Brottfarir 28. júní, 8. júlí og 19. júlí. Val um 7, 10 og 11 nætur!

Valle del Este er frábær valkostur fyrir fjölskyldur í golfi. Skemmtilegur 18 holu golfvöllur er við hótelið ásamt góðu æfingarsvæði, allir básar á æfingarsvæði eru með skjám með alls kyns leikjum. Á hótelinu er góð sundlaug ásamt heilsulind. Mikið að afþreyingu fyrir börn í nálægð við hótelið – Padel vellir, Go Kart braut, Strandklúbbur og Vatnsrennibrautagarður svo eitthvað sé nefnt.

Valle del Este er staðsett milli borganna Murcia og Almeria og er sannkölluð golfperla. Stutt er til næstu bæja, Vera ca 15 mín akstur og 15-20 mín akstur til Garrucha og Mojacar.

Fyrsti teigur er beint fyrir utan hótelið ásamt æfingasvæði, allir básar á æfingarsvæði eru útbúnir Top Tracer skjám með alls konar möguleikum af æfingum og leikjum fyrir börn. Búið er að útbúa nýtt glæsilegt stuttaspils svæði þar sem hægt er að slá allt að 100 metra högg. Góð sundlaug til að henda sér í eftir hringinn, veitingastaður, bar og verslun með einstaklega smekklegar og flottar golfvörur og svo sjálfur golfvöllurinn er beint fyrir utan hótelið.
 
Gestum líður afar vel á hótelinu sem er með björt herbergi og alla aðstöðu sem til þarf m.a. glæsileg heilsulind/Spa. Lítil verslunarmiðstöð er við hliðina á hótelinu og þar er lítil kjörbúð, kaffihús og nokkrir veitingastaðir Tapas og Tælenskur ásamt Breskum sportbar sem sýnir fótboltaleiki o.s.frv. Valle del Este er draumur hvers kylfings, einstaklega fallegur golfvöllur. Valle del Este er virkilega skemmtilegur valkostur fyrir alla kylfinga unga sem aldna.

Það er ýmislegt annað hægt að gera fyrir utan golfið í nálægð við hótelið, hér eru hugmyndir af afþreyingum fyrir fjölskyldu (ATH ekkert af þessum afþreyingum er innifalið í pakkaverði)

• - Padel vellir við hótelið
• - Marau Strandklúbbur í Vera sem er í eigu hótelsins - 15 mín akstur
• - Aquavera Vatnsrennibrautargarður í Vera – 20 mín akstur
• - Go Kart braut í Garrucha – 15 mín akstur
• - 4 x 4 Buggy bílaferðir, Báts og kajakferðir í Mojacar – 20 mín akstur
• - Dýfingarferðir í Mojacar – 20 mín akstur