Ambar Beach íbúðir, Calpe

Ambar Beach frá AR hótelum er einfalt en fínt íbúðahótel. Í öllum íbúðum eru fullbúið eldhús, þvottavél, loftkæling, gervihnattasjónvarp, þráðlaust internet og rúmgóðar svalir sem allar hafa garðsýn. Herbergjum fylgja handklæði. 
Lítill garður með tveimur sundlaugum og barnalaug.

Við hlið hótelsins er fjögurra stjörnu hótel, AR Diamante Beach SPA Hotel and Convention Centre, í eigu sömu aðila, og hafa gestir á Ambar Beach aðgang að allri aðstöðu þar, m.a. veitingastöðum, kaffihúsi, píanóbar, heilsulind og líkamsrækt. Einnig geta gestir nýtt sér barnaklúbbinn og skemmtidagskrá á Diamante sem opin er frá miðjum júní fram í miðjan september. Innangengt er á milli hótelanna.  Greiða þarf €100 í tryggingu sem er endurgreidd við brottför.

Í Júní og Júlí eru lyklar að íbúðunum sóttir í móttöku á 1 hæð Ambar sem opin er frá 9-22 en aðra mánuði þarf að nálgast lyklana í byggingu sem heitir Turmalina u.þ.b. 500-700 metrum frá íbúðunum, þar er opið allan sólarhringinn. Fararstjóri fylgir farþegum að ná í lykla sem hafa bókað akstur til og frá hóteli fyrir brottför.

Þrif eru ekki innifalin, en hægt er að greiða fyrir þrif:
Íbúð með einu svefnherbergi, 26 EUR skiptið.
íbúð með tveimur svefnherbergjum, 38 EUR skiptið.
Íbúð með þremur svefnherbergjum, 50 EUR skiptið.