Pyr Marbella

PYR Marbella hótelið er glæsilegt og nútímalegt íbúðahótel í Puerto Banus, Marbella. Skemmtileg staðsetning, stutt í fjörið á ströndinni og lífið á höfninni.

Á hótelinu eru 319 lúxusíbúðir sem skiptast í stúdíóíbúðir fyrir einstaklinga, stúdíó fyrir tvo til þrjá gesti eða fjölskylduíbúðir (stúdíó) fyrir tvo fullorðna og tvö börn. Svo eru svítur með einu svefnherbergi. Íbúðirnar eru bjartar og afar rúmgóðar, snyrtilegar og hönnunin er klassísk og nútímaleg. Gólfefni eru parket og flísar. Öll helstu húsgögn eru til staðar og aðstaða er til fyrirmyndar sem gerir það að verkum að fríið verður allt hið þægilegasta. Í öllum íbúðunum er lítið eldhús með helstu eldunaráhöldum, loftkæling, frítt internet, sjónvarp og öryggishólf. Baðherbergin eru flísalögð og koma með sturtu og baðkari, hárþurrku og helstu snyrtivörum.

Á hótelinu er morgunverður borinn fram af gæðahlaðborði. Þar er veitingastaður sem býður upp á Miðjarðarhafsrétti og hægt er að njóta kvöldverðar úti á veröndinni. Þar er kaffihús/bar þar sem er notalegt að setjast niður og slaka á yfir kaffibolla eða léttum drykk. Í hótelgarðinum er bar þar sem er hægt að njóta svalandi drykkja og fá sér snarl í svanginn. Einnig er stutt í fjölmarga veitingastaði, kaffihús og bari í nágrenninu.

Hótelgarðurinn er fallega gróinn og pálmatrén setja mikinn svip á garðinn. Í honum er sundlaug og önnur sérstök barnasundlaug. Garðarnir eru allt um kring en þó er góð aðstaða til að liggja í sólbaði.

Fjölmargt er hægt að gera sér til afþreyingar á hótelinu en til dæmis eru þar tennisvöllur og borðtennis, nuddstólar og fleira. Krakkaklúbbur er starfræktur fyrir börnin. Stutt ganga er niður á strönd fyrir þá sem vilja leika sér eða slaka á í sandinum og dýfa tásunum í Miðjarðarhafið.

Í heildina er FYR Marbella hótel sem hentar vel fyrir fjölbreytta ferðamenn. Gestamóttakan er opin allan sólarhringinn og þar er starfsfólk boðið og búið að aðstoða við að undirbúa fríið m.a. að skipuleggja golfið.

Puerto Azul Apartments, Marbella

Puerto Azul hótelið er stílhreint og fallegt íbúðahótel sem staðsett er á fallegum stað á strandlengjunni í Marbella. 

Á hótelinu eru 61 íbúð en íbúðirnar eru annars vegar með einu svefnherbergi og hins vegar stúdíóíbúðir. Úr sumum íbúðunum er óhindrað útsýni til sjávar.

Íbúðirnar eru bjartar og rúmgóðar, nútímalegar, snyrtilegar og klassískar. Húsgögn eru í ljósum litum og parket er á gólfum. Í öllum íbúðum er loftkæling, frítt internet, sjónvarp með gervihnattastöðvum, sími og öryggishólf. Bæði í stúdíóíbúðum og stærri íbúðunum er lítið eldhús með öllu því helsta sem þarf til að elda sinn eigin mat í fríinu, þar á meðal ísskáp og örbylgjuofni. Góð útihúsgögn eru á svölunum. Í stærri íbúðunum er svefnsófi í stofunni. Baðherbergin eru snyrtileg og flísalögð í hólf og gólf. Þar er baðkar með sturtu, hárþurrka og helstu snyrtivörur.

Á hótelinu er góður veitingastaður þar sem morgunverður er borinn fram af hlaðborði en í hádeginu og á kvöldin er hægt að panta kvöldverð af matseðli og njóta í kósý umhverfi eða í léttri kvöldgolunni úti á veröndinni. 

Hótelgarðurinn er nánast staðsettur á La Fontanilla ströndinni, sundlaugin er bara nokkrum skrefum frá sandinum og hægt er að komast beint úr hótelgarðinum niður á ströndina. Góð sólbaðsverönd er í hótelgarðinum en þar eru hengirúm þar sem þú getur slakað á með drykk eða snarl og stórkostlegt útsýni. Hægt er að spila borðtennis í garðinum og stundum eru danssýningar á veröndinni.

Í heildina er Puerto Azul góður kostur fyrir alla sem vilja eyða fríinu alveg við ströndina og svolítið út af fyrir sig. Regluleg þrif eru á íbúðunum og gestamóttakan er opin allan sólarhringinn og þar er starfsfólk tilbúið til að aðstoða með hvað sem getur komið upp á. Hægt er að leigja hjól á hótelinu og skemmtilegt er að skoða svæðið með þeim hætti. 

Monarque El Rodeo, Marbella

Monarque El Rodeo hótelið er millistórt og klassískt hótel í hjarta Marbella. Mikið líf er í kringum hótelið, stutt á Venus Beach ströndina, höfnina og skemmtileg græn svæði í kring.

Á hótelinu er hægt að panta einbýli, tveggja, þriggja og fjögurra manna herbergi. Hönnun herbergjanna er björt og þau eru hlýlega innréttuð. Þægindi og gott skipulag einkenna hótelið. Í öllum herbergjum er internet en þar eru líka sjónvarp, skrifborð og lítill ísskápur.
Út frá öllum herbergjum eru svalir eða verönd. Baðherbergin eru flísalögð en þar eru baðkar með sturtu, hárþurrka og baðvörur.

Á hótelinu er veitingastaður með fjölbreyttum réttum af hlaðborði, heitum og köldum, þannig að þar ættu allir að finna eitthvað við sitt hæfi.
Einnig er þar að finna gott kaffihús.

Á þaki hótelsins er sundlaug með sólbaðsaðstöðu. 

Staðsetning hótelsins er skemmtileg því hún býður bæði upp á nálægð við miðbæ Marbella og lífið í bænum en einnig er stutt að komast að helstu golfvöllum og fleiri áfangastöðum á svæðinu. Bílastæði eru við hótelið og gestamóttakan er opin allan sólarhringinn. Þar er hægt að slaka á og horfa á sjónvarpið. Vingjarnlegt starfsfólkið er tilbúið til að aðstoða þig við að gera dvölina á hótelinu ógleymanlega.

La Barracuda, Torremolinos

La Barracuda er stórt og glæsilegt hótel sem hefur allt sem þarf fyrir gott frí í sólinni. Frábær staðsetning og skemmtilegir afþreyingarmöguleikar.

Á hótelinu eru 234 herbergi sem eru öll reyklaus. Herbergin eru afar fjölbreytt að stærð og gerð en þau skiptast í einstaklingsherbergi, tveggja til þriggja manna herbergi og fjölskylduherbergi og einnig er hægt að bóka þemaherbergi.
 
Herbergin eru fjölbreytt og vel er hugsað um þægindi gesta. Hönnun herbergjanna er í Miðjarðarhafsstíl, viðarhúsgögn, parket á gólfum og veggir yfirleitt ljósmálaðir. Út frá herbergjunum eru svalir með útihúsgögnum. Í öllum herbergjum er loftkæling, frítt internet, sjónvarp með gervihnattarásum og lítill ísskápur, hægt er að leigja ketil í móttöku gegn aukagjaldi. Stórir gluggar með útsýni út á hafið hleypa birtunni inn og eru eins og stór málverk. Baðherbergin eru flísalögð. Á baðherbergjum er baðkar með sturtu og einnig eru þar helstu snyrtivörur.
 
Á hótelinu er morgunverður borinn fram á hlaðborði og sömuleiðis er hlaðborð í boði á kvöldin en þá með alþjóðlegum réttum og Miðjarðarhafsréttum. Í hótelgarðinum er starfræktur bar á sumrin en þar er hægt að fá sér ljúffenga drykki og snarl. Afslappaður bar er í anddyri hótelsins og stór setustofa. Á kvöldin er þar spiluð tónlist, stundum lifandi tónlist en einnig fer þar fram fjölbreytt skemmtidagskrá og ýmsar sýningar eru settar upp í þessu rými.

Hótelgarðurinn er stór, gróinn og rúmgóður með fjölbreyttum möguleikum til afslöppunar og afþreyingar. Hægt er að komast beint úr hótelgarðinum út á göngugötuna og niður á strönd. Sundlaugin er stór og frá henni er fallegt útsýni út á hafið. Á efstu hæð hótelsins er sólbaðsverönd með frábæru útsýni. Tennisvellir eru í garðinum og einnig borðtennis. Á ströndinni og í nágrenni við hótelið eru gríðarmargir möguleikar til útivistar eða vatnaíþrótta.
 
Í heildina er La Barracuda hótelið skemmtilegur kostur fyrir ólíka hópa ferðamanna. Hótelið er staðsett á frábærum stað við ströndina og afar stutt er að fara í bátahöfnina Puerta Marina sem er í Benalmadena.
 

Palm Beach Club, Torremolinos

Palm Beach Club Apartamentos hótelið er íbúðahótel í Torremolinos mjög vel staðsett rétt hjá Carihuela ströndinni. 
 
Á hótelinu eru 86 íbúðir sem allar eru reyklausar. Íbúðirnar skiptast í stúdíóíbúðir, fjölskylduíbúðir og íbúðarsvítur. Íbúðirnar eru bjartar og snyrtilegar. Veggir eru hvítmálaðir og öll húsgögn og innréttingar eru í ljósum litum. Flísar eru á gólfum. Stórir gluggar eru á íbúðunum og í þeim íbúðum sem eru með sjávarsýn er útsýnið út á Miðjarðarhafið eins og málverk. Á hótelinu er internet, í öllum íbúðum er eldhús með öllum helstu áhöldum til matargerðar, loftkæling er í öllum herbergjum, öll helstu húsgögn, sjónvarp með gervihnattastöðvum og öryggishólf. Stúdíóíbúðir eru einnig með svalir eða verönd með útihúsgögnum en þar er dásamlegt að slaka á eftir daginn. Baðherbergin eru mjög snyrtileg, þau eru flísalögð og þar eru hárþurrka og sturta.
 
Í hótelbyggingunni er staðsettur veitingastaður/bar þar sem hægt er að fá morgunverð og panta snarl og léttar máltíðir. Á barnum er hægt að kaupa svalandi drykki og kokteilarnir renna afar ljúft niður í sólinni í hótelgarðinum. Í byggingunni er einnig lítil matvöruverslun með nauðsynjar en stærri matvöruverslun er svo bara nokkrum skrefum frá hótelinu. Einnig eru veitingastaðir, kaffihús og barir í næsta nágrenni. Til dæmis er tilvalið að fá sér spænska smárétti, tapas.
 
Hótelgarðurinn er með góðri sundlaug og aðstöðu til sólbaðsiðkunar, nóg af sólbekkjum fyrir þá sem vilja sleikja sólina og sólhlífar fyrir þá sem vilja halda sig í skugganum með bókina sína. Stórt bókasafn er á hótelinu og setustofa með sjónvarpi. Ýmis þjónusta er á hótelinu, til dæmis er hægt að panta nuddara sem kemur upp á herbergið.

Í heildina er Palm Beach Club Apartamentos vel staðsett hótel, steinsnar frá göngugötunni, La Carihuela ströndinni  í Torremolinos. Hótelið er hentugt fyrir ólíka ferðamenn því þar er allt til alls. Á neðstu hæð er þvottaherbergi með þvottavél og þurrkara og góðar lyftur eru í húsinu. Nokkrar íbúðir hafa verið sérútbúnar með góðu aðgengi fyrir hjólastóla og hægt er að panta rafskutlur (e. scooter).

Los Jazmines, Torremolinos

Hotel Los Jazmines er staðsett á fallegu svæði við ströndina í Torremolinos. Góður matur, stutt í miðbæinn og frábært útsýni til sjávar!

Á hótelinu eru 113 herbergi sem skiptast í tveggja til þriggja manna herbergi, fjölskylduherbergi og íbúðir. Allar vistarverur eru hlýlegar, innréttingar og húsgögn eru klassísk, hvort sem um er að ræða íbúðir eða herbergi. Veggir eru málaðir í ljósum litum og flísar eru á gólfum svo hönnunin er björt og snyrtileg. Á öllum herbergjum eru loftkæling, sjónvarp, sími, lítill ísskápur og öryggishólf. Sumum þeirra fylgja svalir. Hægt er að tengjast interneti á hótelinu. Í stærri íbúðum er að auki lítið eldhús með því helsta sem þarf til léttrar matargerðar. Baðherbergin eru flísalögð og þar eru baðkar og sturta, hárþurrka og helstu snyrtivörur.

Á hótelinu er veitingastaður þar sem gestir geta notið morgunverðar af girnilegu hlaðborði en einnig er boðið upp á fjölbreytt kvöldverðarhlaðborð með góðu úrvali af Miðjarðarhafsréttum. Á hótelbarnum á efstu hæð hótelsins eru hristir ljúffengir kokteilar sem yndislegt er að sötra í góðum félagsskap og njóta útsýnisins. 

Góð byrjun á deginum er að ganga um stóran og gróðursælan hótelgarðinn og fá sér svo sundsprett til að kæla sig niður í sundlauginni. Sérstök sundlaug er fyrir börn. Í garðinum er góð aðstaða til sólbaðsiðkunar, sólbekkir og sólhlífar. Ýmislegt er hægt að finna sér til afþreyingar á þessum slóðum, til dæmis er hægt að spila tennis í nágrenni hótelsins og svo er alltaf stutt í fjörið á ströndinni. Á hótelinu er sjónvarpsherbergi fyrir þá sem vilja aðeins komast inn úr sólinni. Gestamóttaka hótelsins er opin allan sólarhringinn en þar er hægt að fá aðstoð við að skipuleggja fríið og komast á milli staða. 

Í heildina er Los Jazmines góður kostur fyrir fjölbreytta hópa ferðamanna sem kjósa frábæra staðsetningu fyrir fríið sitt í sólinni!

Sol Puerto Marina, Torremolinos

Á hótelinu eru 343 íbúðir sem skiptast í stúdíóíbúðir og íbúðir með einu til tveimur svefnherbergjum. Íbúðirnar eru rúmgóðar og í þeim er góð birta því veggirnir eru ljósmálaðir og stórir gluggar eru á vistarverum. Parket er á gólfum og sum húsgögn viðarlituð sem gerir hönnunina hlýlega. Í íbúðunum eru svalir með útihúsgögnum en frá flestum svölum er sjávarsýn og góð sól yfir daginn. Í öllum íbúðum er loftkæling, frítt internet, sjónvarp, sími og öryggishólf. Íbúðirnar hafa einnig fullbúið eldhús með ísskáp, örbylgjuofni, kaffivél, tekatli og brauðrist. Baðherbergin eru flísalögð en þar eru baðkar og sturta, hárþurrka og hárvörur.

Á hótelinu eru veitingastaðir sem bjóða upp á alþjóðlega og innlenda rétti af hlaðborði. Þrír barir eru á hótelinu þar sem hægt að panta létta rétti og svalandi drykki hvort sem þú ert í kósý stemningu inni á hótelinu, við sundlaugina eða niðri á strönd. Í næsta nágrenni við hótelið eru svo fjölmargir veitingastaðir og barir og margir strandveitingastaðir sem sérhæfa sig í steiktum fiski. Á hótelinu er svo lítil verslun þar sem hægt er að ná sér í nauðsynjar.

Hótelgarðurinn er stór og fallega hannaður með græn svæði, pálmatré og annan gróður og fallega sundlaug en úr garðinum er útsýni til sjávar. Í kringum sundlaugina og barnasundlaugina er góð sólbaðsaðstaða. 

Á daginn er krakkaklúbbur ásamt skemmti- og íþróttadagskrá fyrir alla fjölskylduna en við hótelið eru til dæmis tveir tennisvellir og inni á hótelinu er leikjaherbergi. Á kvöldin eru haldin partý, sýndir söngleikir, skemmtanir og lifandi tónlist. Hótelið er á fallegum stað á ströndinni, rétt við göngugötuna sem liggur meðfram strandlengjunni í Torremolinos og aðeins í stuttri göngufjarlægð frá fjörinu á hafnarsvæðinu. Staðsetning hótelsins er þar af leiðandi góð fyrir þá sem vilja skemmta sér því við höfnina eru spilasalir og veitingastaðir, verslanir, klúbbar, barir og mikið mannlíf. Sol Timor Apartamentos hótelið er frábær kostur fyrir ferðamenn sem vilja vera út af fyrir sig en vera nálægt öllu og njóta þjónustu hótelkeðju.

Villa de Laredo, Fuengirola

Villa de Laredo hótelið er huggulegt hótel, staðsett við göngugötuna í Fuengirola, aðeins í nokkurra mínútna göngufjarlægð frá lestarstöðinni og dýragarðinum.

Á hótelinu eru 50 herbergi sem skiptast í einstaklingsherbergi og tveggja manna herbergi. Herbergin eru staðsett í tveimur byggingum, önnur þeirra er með útsýni út á Miðjarðarhafið en hin ekki. Herbergin eru rúmgóð og snyrtileg, litrík og hlýleg. Veggir eru hvítmálaðir en bláir tónar einkenna húsgögn og hönnun sem er í Miðjarðarhafsstíl. Í herbergjunum eru stórir gluggar sem hleypa birtunni vel inn í rýmið. Í öllum herbergjum er loftkæling, frítt internet, sjónvarp, míníbar, skrifborð, öryggishólf og svalir eða verönd. Baðherbergin eru flísalögð og snyrtileg með sturtu, hárþurrku og helstu snyrtivörum. 
 
Á hótelinu er góður, loftkældur veitingastaður þar sem hægt er að bragða á ljúffengum innlendum réttum sem framreiddir eru á hefðbundinn hátt. Þetta er fullkominn staður til að setjast niður með fjölskyldunni. Á hótelinu er einnig afslappaður bar með verönd þar sem gott er að setjast niður og slaka á yfir svalandi drykk. Í grennd við hótelið eru fjölmargir veitingastaðir og barir sem skemmtilegt er að prófa, til dæmis er svæðið þekkt fyrir góða rækjurétti.

Á þaki hótelsins er sundlaug og sólbaðsaðstaða með góðum sólbekkjum. Þar er hægt að liggja og sleikja sólina og njóta stórbrotins útsýnis yfir höfnina og út á Miðjarðarhafið. Í grennd við hótelið er fjölbreytt afþreying í boði. Ströndin er í næsta nágrenni með öllu sínu fjöri, vatnaíþróttum og afslöppun.
 
Í heildina er Villa de Laredo hótelið góður kostur fyrir fjölbreytta hópa ferðamanna. Gestamóttaka hótelsins er opin allan sólarhringinn og þar er starfsfólk tilbúið að aðstoða gesti gera fríið hið ánægjulegasta. Frá hótelinu er stutt að fara á marga af vinsælustu viðkomustöðum í Fuengirola.

Pyr Fuengirola

Pyr Fuengirola hótelið er stórt og reisulegt hótel sem staðsett er á frábærum stað við göngugötuna í Fuengirola. Stutt í fjörið á ströndinni og mannlífið á höfninni.

Á hótelinu eru 220 íbúðir sem skiptast í stúdíóíbúðir og eins til tveggja herbergja íbúðir. Íbúðirnar eru hins vegar af ýmsum stærðum og gerðum, meðal annars eru í boði fjölskylduíbúðir og þakíbúðir, svo hér ættu fjölbreyttir hópar ferðamanna að geta fundið eitthvað við sitt hæfi.
 
Íbúðirnar eru fjölbreyttar að útliti en þær eiga það sameiginlegt að vera bjartar og snyrtilegar. Veggir eru ljósmálaðir og ljósar flísar á gólfum. Húsgögn eru yfirleitt klassísk og viðarlituð. Herbergin eru öll með loftkælingu, fríu interneti, sjónvarpi með gervihnattarásum, svefnsófa og öryggishólfi. Eldhúsin eru vel útbúin með öllu því helsta sem þarf til að gera fríið þægilegt. Baðherbergin eru flísalögð en þar eru sturta, hárþurrka og helstu snyrtivörur.
 
Á hótelinu er enginn eiginlegur veitingastaður en hægt er að setjast inn á kaffihús sem er líka bar. Þar er hægt að fá sér léttar máltíðir. Einnig er snarlbar starfræktur í hótelgarðinum yfir sumartímann. Í byggingunni eru ýmsir sjálfsalar með drykki og snarl. Hótelið er svo aðeins í nokkurra metra fjarlægð frá fjölmörgum veitingastöðum, kaffihúsum og börum.
 
Hótelgarðurinn er stór og skemmtilega hannaður með góðum grænum svæðum og gróðri allt um kring. Í honum er góð sundlaug sem er upphituð á veturna og svo sérstök barnasundlaug. Nóg er af plássi til sólbaðsiðkunar og góðir sólbekkir og sólhlífar til staðar. Einnig er sérstök sólbaðsverönd. Á hótelinu er einnig bókasafn og aðgangur að golfvelli.

Í heildina er Pyr Fuengirola hótelið frábær kostur fyrir fjölbreytta hópa ferðamanna, bæði vegna staðsetningar og fjölbreytni íbúðanna. Hótelið er á strandlengjunni þannig að aðeins nokkur skref eru í afslöppun eða fjör við sjávarsíðuna. Stutt ganga er á höfnina þar sem er mikið og skemmtilegt mannlíf. Gestamóttaka hótelsins er opin allan sólarhringinn en þar er til dæmis hægt að leigja bíl til að fara og skoða sig um á svæðinu.

Stella Maris, Fuengirola

Stella Maris hótelið er í nútímalegri byggingu við strandlengjuna. Frábær staðsetning og flott útsýni yfir strandlengjuna og út á hafið. Stutt í helstu samgöngur og í golfið.

Á hótelinu eru 77 íbúðir sem skiptast í stúdíóíbúðir og íbúðir með einu til tveimur herbergjum. Íbúðirnar eru ólíkar en þær eiga það sameiginlegt að vera bjartar, hlýlegar og hönnun þeirra er einföld. Veggir eru ljósmálaðir og húsgögn eru viðarlituð. Á gólfum er parket eða dúkur. Í íbúðunum eru vel útbúin eldhús með öllu því helsta til matargerðar, örbylgjuofni og ísskáp. Í íbúðunum er loftkæling, sjónvarp, öryggishólf og sími ásamt helstu húsgögnum í stofu og eldhúsi. Í öllum íbúðum eru svalir eða verönd með útihúsgögnum þar sem hægt er að njóta dásamlegs útsýnis út á Miðjarðarhafið. Baðherbergin eru snyrtileg en þar eru sturta og hárþurrka.

Á hótelinu er enginn veitingastaður en þar er bar. Gestir geta því fengið sér svalandi drykk og notið hans á sundlaugarbakkanum. Góðir veitingastaðir, matvöruverslanir og barir eru aðeins í stuttri göngufjarlægð frá hótelinu. Einnig eru verslanir og sjálfsalar í byggingunni.

Hótelgarðurinn er með góðri sundlaug en úr garðinum er fallegt útsýni út á Miðjarðarhafið. Góð aðstaða er til sólbaðsiðkunar í garðinum og nóg pláss. Á hótelinu er einnig leikjaherbergi þar sem hægt er að eyða tímanum innandyra ef gestir hafa fengið nóg af útiverunni.

Í heildina er Stella Maris skemmtilegur kostur fyrir fjölskyldur og aðra ferðamenn sem vilja vera nálægt ströndinni en í eigin íbúð. Hótelið er í stuttri göngufjarlægð frá höfninni og vinsælum stöðum í Fuengirola. Hægt er að leigja bíl í gegnum hótelið til að fara í bíltúr og skoða sig um á svæðinu.

Iluninion Miramar, Fuengirola

Myramar er stórt og afar reisulegt hótel í Fuengirola. Hótelið er vel staðsett á Costa del Sol svæðinu og er aðeins í nokkurra mínútna göngufjarlægð frá hjarta bæjarins.

Á hótelinu eru 229 íbúðir sem skiptast í eins og tveggja herbergja íbúðir. Íbúðirnar eru nokkuð vel skipulagðar, þær eru bjartar, veggir eru hvítmálaðir og ljósar flísar eru á gólfum. Íbúðirnar koma fullbúnar með öllu því helsta sem þarf fyrir notalegt frí við sjávarsíðuna; helstu húsgögnum, loftkælingu, sjónvarpi með gervihnattastöðvum, síma og öryggishólfi. Í öllum íbúðum er lítið eldhús með örbylgjuofni, ísskáp og því helsta sem þarf til matargerðar. Svo eru svalir eða verönd við allar íbúðir. Baðherbergin eru snyrtileg en þau eru flísalögð og þar eru baðkar og sturta, hárþurrka og helstu snyrtivörur. 

Á hótelinu er veitingastaður þar sem hægt er að njóta morgunverðar og kvöldverðar af hlaðborði. Einnig er snarlbar á hótelinu en þar er hægt að panta ljúffenga spænska smárétti og bragða á mat frá svæðinu. Nokkrir barir eru á hótelinu, þar á meðal einn við sundlaugina, svo það þarf ekki að fara úr sólinni til að fá sér kaldan drykk en á sundlaugarbarnum er einnig hægt að fá sér snarl yfir daginn.  

Hótelgarðurinn er rúmgóður, þar er gríðarstór sundlaug og nóg af plássi og sólbekkjum fyrir alla þá sem vilja sleikja sólina í fríinu. Um 10 mín. ganga er að ströndinni. Á hótelinu er góð líkamsræktaraðstaða innanhúss en einnig er íþróttaaðstaða úti og svo er hægt að skella sér í sánu eða panta sér nudd. Á kvöldin eru settar upp sýningar á útisviði í hótelgarðinum. Yfir sumartímann er boðið upp á allskonar skemmtidagskrá og krakkaklúbb fyrir börnin. Einnig er boðið upp á skemmtidagskrá og íþróttaviðburði fyrir fullorðna.

Í heildina er Myramar hótelið snyrtilegt og fjölskylduvænt hótel á góðum stað í Fuengirola. Því er það hentugt fyrir fjölbreytta hópa ferðamanna.

San Fermín, Benalmadena

San Fermín er snyrtilegt og vel staðsett hótel í Benalmadena. Stór og gróinn hótelgarður, stutt á ströndina og fjölbreytt mannlíf er að finna í hverfinu.

Á hótelinu eru 315 herbergi. Herbergin eru rúmgóð og hönnunin er björt og hlýleg. Stórir gluggar, veggir eru ljósmálaðir, húsgögn eru viðarlituð og parket er á gólfum. Í öllum herbergjum er loftkæling, sjónvarp með gervihnattastöðvum, internet, öryggishólf og sími. Hægt er að óska eftir míníbar. Svalir með útihúsgögnum fylgja öllum herbergjum. Baðherbergin eru flísalögð með ljósum flísum. Þar er baðkar með sturtu og hárþurrka. 

Á hótelinu er veitingastaður þar sem boðið er upp á veitingar af hlaðborði á morgnana, í hádeginu og á kvöldin. Þar sem í boði eru alþjóðlegir og hefðbundnir réttir frá svæðinu. Mögulegt er að fylgjast með matreiðslufólki að störfum í veitingasalnum. Í hótelgarðinum er snarlbar þar að sitja á veröndinni, fá sér kaffisopa, njóta léttra veitinga eða taka með sér svalandi drykk og njóta í sólinni. 

Hótelgarðurinn er stór og gróinn en þar er dásamlegt að slaka á og sleikja sólina. Í, en þarna er sundlaug og barnalaug þar sem hægt er að kæla sig. Á hótelinu er í boði ýmis afþreying yfir daginn og skemmtilegar sýningar í boði á kvöldinsem afþreyingarteymi sér um. Í hótelgarðinum er meðal annars barnaleikvöllur og íþróttavellir þar sem er til dæmis hægt að spila tennis, einnig er í boði borðtennis, billjarð og margt fleira. Krakkaklúbbur er starfræktur á hótelinu yfir sumartímann þar sem börnum gefst kostur á að gera eitthvað skemmtilegt saman. 

Í heildina er San Fermín gott hótel sem hentar vel þeim ferðamönnum sem vilja dvelja í Benalmadena. Hótelið er vel staðsett rétt við þorpið Arroyo de la Miel, en bæði er lestarstöðin og tívolíið í göngufjarlægð, ásamt fjölbreyttu úrvali af verslunum og veitingastöðum. Ströndin er í um það bil 10 mínútna göngufjarlægð en þar sem hótelið er staðsett í brekku gæti sú leið verið erfið fyrir þá sem eiga erfitt með gang. Gestamóttaka hótelsins er opin allan sólarhringinn þar sem  vingjarnlegt starfsfólk sér um  að hjálpa gestum að gera fríið ógleymanlegt.

Princesa Playa, Marbella

Princesa Playa hótelið er frábærlega staðsett íbúðahótel sem stendur við göngugötuna sem liggur meðfram strandlengju Marbella. Stutt í fjörið á ströndinni, verslanir og veitingastaði.

Á hótelinu eru 100 íbúðir sem skiptast í stúdíóíbúðir og íbúðir með einu svefnherbergi. Íbúðirnar eru fullbúnar öllu því sem þarf til að gera dvölina í þeim sem þægilegasta. Þær eru rúmgóðar og nokkuð bjartar en veggir eru ljósmálaðir og parket er á gólfum. Helstu húsgögn eru til staðar og í öllum íbúðum er loftkæling, internet, sjónvarp með gervihnattarásum, öryggishólf, sími. Einnig eru lítil eldhús með öllum helstu eldunaráhöldum, ísskáp og örbylgjuofni. Íbúðunum fylgja einnig svalir. Baðherbergin eru flísalögð og þar eru sturta og hárþurrka.

Á áttundu hæð hótelsins er kaffihús eða snarlbar með frábært útsýni yfir strandlengjuna. Þar er hægt að fá góðan morgunverð, snarlrétti og einnig er hægt að panta mat upp á herbergið. Á barnum þar er einmitt fjölbreytt úrval drykkja sem hægt er að sötra á og njóta útsýnisins frá veröndinni. Ýmsir sjálfssalar eru á hótelinu.
Þar sem hótelið er staðsett í miðju svæðisins eru fjölmargir veitingastaðir, kaffihús og barir í næsta nágrenni við hótelið og því stutt að fara til að fá sér í svanginn.

Á þaki hótelsins er sundlaug sem er upphituð á veturna. Þar er hægt að leggjast á sólbekk eða í hengirúm, jafnvel undir sólhlíf, og slaka á ásamt því að njóta útsýnisins út á hafið og upp í fjöllin. Í setustofunni eru ýmis spil, leikir og fjölbreyttir möguleikar til afþreyingar í boði. 

Í heildina er Princesa Playa hótelið góður kostur þegar kemur að því að velja hótel fyrir fríið á Marbella. Leitast er við að gera dvölina sem líkasta því að vera að slaka á heima hjá sér. Staðsetning hótelsins er frábær fyrir alla sem vilja sól, sjó og sand en einnig ganga um og skoða eitthvað eftirminnilegt.

Sol Don Pablo, Torremolinos

Sol Don Pablo hótelið er glæsilegt og fjölskylduvænt hótel á strandlengjunni í Torremolinos. Frábær staðsetning, rétt við göngugötuna. Stutt í skemmtigarða, golfið og fjörið á ströndinni.

Á hótelinu eru 443 herbergi sem skiptast í tveggja til þriggja manna herbergi, fjölskylduherbergi og svítur. Hönnun herbergjanna er nútímaleg, veggir og húsgögn eru í björtum litum en þó er stutt í bláa tóna sem eru einkennandi fyrir Miðjarðarhafsstílinn. Parket er á gólfum og gerir það vistarverurnar hlýlegar. Herbergin eru rúmgóð og með góðum svölum. Á öllum herbergjum eru loftkæling, internet, flatskjársjónvarp með gervihnattastöðvum, öryggishólf, sími, míníbar og skrifborð. Svalir eru með útihúsgögnum. Baðherbergin eru flísalögð og þar eru sturta, hárþurrka, snyrtispegill og helstu snyrtivörur.

Á hótelinu eru veitingastaðir og barir svo gestir hafa ýmsa valkosti þegar kemur að því að skipuleggja kvöldin með fjölskyldu eða vinum. Hlaðborðin á veitingastöðunum svigna undan alþjóðlegum og spænskum kræsingum og allir ættu að finna eitthvað við sitt hæfi. Matreiðslufólk leikur listir sýnar í borðsalnum. Nokkrir barir eru á hótelinu, meðal annars sundlaugarbar sem býður upp á snarl yfir daginn, kokteilabar og vínbar.

Hótelkeðjan er með nokkur stór hótel á svæðinu en aðstaða þeirra er opin fyrir gesti á öllum hótelunum. Hótelgarðurinn er því gríðarstór og umkringdur görðum og gróðri sem gerir umhverfi hótelsins mjög heillandi. Fjölmargar útisundlaugar og nuddpottar eru á svæðinu, þar á meðal barnasundlaugar og leiksvæði.
Góð aðstaða til líkamsræktar er á hótelinu og tennisvöllur en einnig er upphituð sundlaug inni á hótelinu og heilsulind þar sem hægt er að slaka á og panta meðferðir. Hægt er að leika borðtennis, spila keiluleiki og eins eru svæði til að iðka ýmsar hópíþróttir, svo sem hafnabolta, körfubolta eða fótbolta. Krakkaklúbbur er starfræktur á hótelinu. Ýmis skemmtidagskrá er í boði, bæði á daginn og á kvöldin þegar settir eru upp söngleikir, sýnd skemmtiatriði og lifandi tónlist er flutt.

Staðsetning hótelsins er frábær en aðeins tekur nokkrar mínútur að ganga niður í miðbæ Torremolinos. Allt um kring eru verslanir, veitingastaðir, kaffihús og barir og svo er stutt í fjörið á ströndinni og í skemmtigörðum.

Sol Don Pedro, Torremolinos

MS Aguamarina, Torremolinos

MS Aguamarina hótelið er gott íbúðahótel á frábærum stað við Bajondillo ströndina í Torremolinos. Það tekur aðeins um 5 mín að ganga á ströndina. Einnig er stutt í miðbæ Torremolinos. Í kringum hótelið er aragrúi veitingastaða, mikið mannlíf, minigolf völlur ofl. 

Á hótelinu eru 130 íbúðir sem skiptast í tveggja til þriggja manna íbúðir og fjölskylduíbúðir. Íbúðirnar eru snyrtilegar og rúmgóðar. Hönnun þeirra er einföld og klassísk en ólík milli íbúða. Mikið er unnið með einfalda, ljósa liti en sterkari litir fá þó víða að njóta sín á húsgögnum og veggjum. Parket er á gólfum sem gerir íbúðirnar hlýlegar. Sumar íbúðir eru með svölum eða verönd en ekki allar. Loftkæling er í öllum íbúðum, internet og sjónvarp með gervihnattastöðvum, sími og öryggishólf. Íbúðirnar eru með litlu eldhúsi þar sem allt hið helsta til léttrar matargerðar er til staðar. Baðherbergin eru snyrtileg og flísalögð. Þau eru með baðkari, sturtu, hárþurrku og helstu snyrtivörum.

Á hótelinu er veitingastaður þar sem boðið er upp á hlaðborð með fjölbreyttu úrvali alls kyns rétta. Hlaðborðið er í boði á morgnana og á kvöldin. Sérstakt hlaðborð er í boði með rétti sem höfða betur til margra barna. Á hótelinu er líka snarlbar þar sem hægt er að fá létta rétti yfir daginn og bragðgóða og svalandi drykki til að njóta við sundlaugina eða í góðri stemningu um kvöldið.

Hótelgarðurinn er góður með sundlaug og barnasvæði. Á þaki hótelsins er sundlaug og sólbaðsaðstaða. Einnig er innisundlaug á hótelinu, heilsulind og líkamsrækt. 

Í heildina er MS Aguamarina hótelið hentugt fyrir ólíka hópa ferðamanna sem koma til Torremolinos í sólina. Staðsetning hótelsins er frábær með góðar sandstrendur í næsta nágrenni en hverfið í kring um hótelið er rólegt þrátt fyrir að stutt sé í stemninguna á ströndinni, klúbbunum, verslunum og veitingastöðum.

MS Amaragua, Torremolinos

Hotel MS Amaragua er frábært hótel, nálægt Carihuela, sem er þorp í Torremolinos. Stutt er að ganga að bátahöfninni Puerto Marina. Um 100 m eru í La Carihuela ströndina. 

Gestamóttakan er opin allan sólarhringinn en þar aðstoðar vingjarnlegt starfsfólk gesti við að skipuleggja fríið og gera það sem ánægjulegast. 

Á hótelinu eru 275 herbergi sem skiptast í einstaklingsherbergi, tveggja til þriggja manna herbergi og svítur. Herbergin eru innréttuð í litríkum Miðjarðarhafsstíl, húsgögn eru viðarlituð og flísar eru á gólfum. Herbergin eru rúmgóð og með góðum glugga og einnig eru svalir með útihúsgögnum út frá herbergjunum. Á öllum herbergjum má finna loftkælingu, frítt internet, sjónvarp með gervihnattarásum, síma, míníbar og öryggishólf.

Baðherbergin eru rúmgóð og snyrtileg. Þau eru flísalögð en þar er sturta, hárþurrka og helstu snyrtivörur. 

Á hótelinu er veitingastaður þar sem boðið er upp á svæðisbundna rétti ásamt fjölmörgu öðru góðgæti á girnilegu hlaðborði. Gott er að byrja daginn á því að fá sér góðan morgunverð á veitingastaðnum og njóta útsýnisins út á Miðjarðarhafið. Í hótelgarðinum er bar þar sem hægt er að panta sér svalandi drykki og snarl en einnig er bar í anddyri hótelsins.

Hótelgarðurinn er vel skipulagður og gróinn. Hann er rúmgóður og þar sem hann endar tekur við hlý og mjúk sandströndin sem er eins konar framlenging á hótelgarðinum. Í garðinum er svalandi sundlaug og vaðlaug. Á sundlaugarsvæðinu er frábært að liggja í sólbaði, nóg af sólbekkjum og sólhlífum. Önnur sundlaug er inni á hótelinu og góð heilsulind með gufubaði, sánu, nuddpotti og þar er einnig hægt að panta fjölmargar meðferðir. Einnig er góð líkamsræktaraðstaða á hótelinu. 

Á hótelinu er ýmislegt hægt að finna sér að gera. Hægt er að leigja hjól, vélhjól og bíla í gegnum hótelið og kanna nágrennið á eigin vegum. Á hótelinu er meðal annars tennisvöllur, aðstaða til að leika mínígolf, leikvöllur fyrir börnin og skemmtiatriði fyrir börn og fullorðna. Reglulega er flutt lifandi tónlist fyrir gesti hótelsins. Stutt ganga er á að skemmtilegu bátahöfninni Puerto Marina þar sem smærri skútur og bátar liggja. Þar er mikið mannlíf, bestu sjávarréttar veitingahúsin í Torremolinos og æðisleg strandgata. Carihuela er sjarmerandi þorp og yndislegt að ganga þar um.  Vingjarnlegt andrúmsloft og góður matur.

Apartamentos Bajondillo, Torremolinos

Bajondillo hótelið er skemmtilegt, stórt íbúðahótel á góðum stað við snyrtilega strandlengju Torremolinos og kristalstært Miðjarðarhafið.

Á hótelinu eru 622 íbúðir sem skiptast í stúdíóíbúðir, fyrir tvo fullorðna og eitt barn, og íbúðir með einu herbergi sem eru fyrir allt að fjóra fullorðna og eitt barn. Íbúðirnar eru bjartar og snyrtilegar með hvítmálaða veggi og klassískar innréttingar. Í öllum íbúðum er loftkæling, frítt internet, sjónvarp með gervihnattastöðvum, sími og öryggishólf. Allar íbúðirnar eru með eldhús með ísskáp og öllu því helsta sem þarf fyrir einfalda matargerð. Einnig eru þar borðkrókur, setustofa og svalir eða verönd með útihúsgögnum og frábæru útsýni út á Miðjarðarhafið. Á baðherbergjum er baðkar eða sturta og hárþurrka.

Á hótelinu er kaffihús/bar þar sem morgunverður er framreiddur á hlaðborði. Einnig er veitingastaður þar sem réttir eru bornar fram utandyra og gestir geta notið matarins og útsýnisins um leið. Síðast en ekki síst er tapas veitingastaður við sundlaugina svo gestum gefast tækifæri til að njóta spænskrar matarmenningar.

Í hótelgarðinum er góð sundlaug, þar eru sólbekkir og sólstólar en einnig er hægt að slaka á í hengirúmum. Gróður er í kringum Ýmislegt er hægt að finna sér til skemmtunar á hótelinu, t.d. er þar bókasafn og leikjaherbergi en einnig er borðtennisborð í garðinum svo hægt er að virkja keppnisskapið aðeins. Fjölbreytt skemmtidagskrá er í boði, bæði yfir daginn og á kvöldin en til dæmis er stundum í boði lifandi tónlist eða danssýningar. Á sumrin er sérstök skemmtidagskrá fyrir börn. 

Stutt frá höfninni og auðvelt að komast í skemmtigarða, vatnsleikjagarða og fleiri viðkomustaði í Torremolinos. Frí bílastæði og frítt skutl frá flugvellinum auðvelda gestum að komast til og frá hótelinu og ferðast um svæðið. Sjálfsafgreiðsluþvottahús er í byggingunni sem er mjög þægilegt, sérstaklega þegar ferðast er með börn.

Riu Costa del Sol, Torremolinos

Hotel Riu Costa del Sol hótelið er stórt og glæsilegt hótel og er rétt hjá Los Alamos ströndinni sem tilheyrirTorremolinos.

Á hótelinu eru yfir 550 herbergi sem skiptast í tveggja til þriggja manna herbergi og svítur. Þægindi og slökun einkenna hótelið en herbergin eru nútímaleg og snyrtileg, björt og rúmgóð. Hönnun þeirra er í Miðjarðarhafsstíl, veggirnir eru hvítmálaðir en stutt í fallega bláa tóna. Ljósar flísar eru á gólfum. Á öllum herbergjum eru loftkæling, internet, sjónvarp með gervihnattarásum, lítill ísskápur og öryggishólf. Út frá öllum herbergjum eru svalir eða verönd með útihúsgögnum. Baðherbergin eru nútímaleg og afar snyrtileg en þau eru með sturtu og hárþurrku.

Hótelið stærir sig af góðum mat en veitingastaðirnir bjóða upp á fjölbreytni og góð gæði. Meðal annars er hægt að njóta ítalskra, alþjóðlegra og andalúsískra rétta. Á morgnana er borið fram hlaðborð af ýmsum heitum og köldum réttum en jafnframt er hægt að fylgjast með matreiðslufólki leika listir sínar. Í heildina eru fimm ólíkir barir á hótelinu svo allir ættu að finna eitthvað við sitt hæfi.

Hótelgarðurinn er vel skipulagður en í honum eru pálmatré og góð aðstaða til sólbaðsiðkunar, sólbekkir við sundlaugarnar og á sólbaðsverönd. Þrjár sundlaugar eru í hótelgarðinum og að auki tilheyrir ein sundlaug heilsulindinni sem starfrækt er inni á hótelinu. Jafnframt er barnasundlaug í garðinum og vatnaleikvöllur þar sem börnin geta leikið sér og kælt sig niður. 

Skemmtidagskrá hótelsins er keyrð allan daginn og á kvöldin eru skemmtanir og lifandi tónlist. Þeir sem vilja iðka íþróttir geta til dæmis farið í strandblak, skellt sér á vindbretti eða spilað golf í næsta nágrenni hótelsins. Góð líkamsræktaraðstaða er á hótelinu og sérstök líkamsræktarprógrömm fáanleg. Heilsulindin er með gufubaði og fjölbreyttum heilsu- og snyrtimeðferðum. 

Allt í kringum hótelið eru veitingastaðir, barir, kaffihús og alls konar skemmtun. Útsýnið út á hafið er dásamlegt og stutt í fjörið á ströndinni. Á hótelinu er einstaklega góð þjónusta og gestamóttaka hótelsins er opin allan sólarhringinn. Þar er starfsfólk alltaf tilbúið til að aðstoða gesti við að skipuleggja fríið og gera dagana í sólinni sem ánægjulegasta.

Occidental Fuengirola

Occidental Fuengirola er glæsilegt og nútímalegt hótel í hjarta Costa del Sol. Hótelið er frábærlega staðsett við göngugötuna sem liggur meðfram strandlengjunni. Líflegt umhverfi og stutt í verslanir, veitingastaði og bari.

Á hótelinu eru 316 herbergi af ýmsum stærðum; einstaklingsherbergi, tveggja til þriggja manna herbergi, fjölskylduherbergi og svítur. Herbergin eru rúmgóð og björt, veggir eru málaðir í ljósum litum og húsgögn eru hvít. Fallegt parket er á gólfum. Herbergin hafa flest sjávarsýn svo frá svölunum er glæsilegt útsýni út á Miðjarðarhafið og hægt að fylgjast með iðandi strandlífinu. Á hótelinu er frítt internet, herbergin eru með loftkælingu, sjónvarpi, míníbar, skrifborði, síma og öryggishólfi. Baðherbergin eru afar snyrtileg. Þau eru flísalögð og þar eru sturta, hárþurrka og helstu snyrtivörur.

Á hótelinu eru nokkrir veitingastaðir, þar á meðal er hægt að velja sér mat af hlaðborði en svo er snarlbar við sundlaugina og bar í anddyrinu. Einnig er kaffihús á hótelinu og stutt í fjölbreytta veitingastaði við göngugötuna en einnig eru matvöruverslanir í grennd við hótelið.

Í hótelgarðinum er öll aðstaða hin glæsilegasta, stór sundlaug og nóg pláss fyrir sólböðin. Einnig er þar sundlaug sem er upphituð yfir vetrartímann svo hægt er að njóta þess að synda í svalandi vatninu allt árið um kring. Aðeins nokkur skref eru frá hótelinu niður á strönd. Góð líkamsræktaraðstaða er á staðnum og ýmislegt hægt að finna sér að gera í nágrenninu. 

Occidental Fuengirola er því frábær kostur fyrir pör eða fjölskyldur, hvort sem planið er letilíf við sundlaugina, fjör á ströndinni, að fara út á lífið eða skella sér í golf.
Auðvelt er að komast frá hótelinu á alla helstu áfangastaði á svæðinu, t.d. í vatnsleikjagarðinn.

Monarque Fuengirola Park

Monarque Fuengirola Park hótelið er litríkt, þægilegt, fjölskylduvænt og frábærlega staðsett hótel, rétt hjá ströndinni og göngugötunni í Fuengirola.

Á hótelinu eru 393 herbergi sem skiptast í einstaklingsherbergi og tveggja til þriggja manna herbergi. Herbergin eru björt og rúmgóð, kósý og þægindin eru í fyrirrúmi þegar kemur að hönnun þeirra. Á herbergjunum er internet, loftkæling, sjónvarp, skrifborð, öryggishólf og míníbar. Svalir eða verönd fylgja sömuleiðis öllum herbergjum en frábært útsýni er frá hótelinu út á Miðjarðarhafið. Baðherbergin eru flísalögð. Þar er sturta, hárþurrka og helstu snyrtivörur.

Á hótelinu eru nokkrir veitingastaðir, þar á meðal líflegur veitingastaður með fjölbreyttum réttum af hlaðborði en einnig er þar rólegur og loftkældur veitingastaður þar sem réttir eru pantaðir af matseðli. Afslappaður bar er í hótelgarðinum en á hótelinu eru tveir aðrir barir/kaffihús þar sem hægt er að sötra kaffi á daginn og dansa eða fara á skemmtisýningar á kvöldin. Í grennd við hótelið eru fjölmargir veitingastaðir og barir, til dæmis frábærir grillstaðir.

Hótelgarðurinn er góður, þar er góð sólbaðsaðstaða við sundlaugina en girt er í kringum hana til öryggis og þæginda fyrir fjölskyldur með börn. Einnig er innisundlaug á hótelinu og sérstök sundlaug fyrir börn. Gestir sem koma á eigin bíl eða hafa tekið bílaleigubíl geta lagt frítt við hótelið. Þegar gestir hafa fengið nóg af sólinni er hægt að flýja inn í leikjaherbergið og spila pílukast eða billjarð en á hótelinu er einnig starfrækt skemmtanateymi sem heldur uppi fjörinu fyrir alla fjölskylduna.
Á hótelinu er heilsulind og innisundlaug.

Í heildina er Monarque Fuengirola Park frábær kostur fyrir fjölbreytta hópa ferðamanna. Gestamóttaka er opin allan sólarhringinn, þar er hægt að láta geyma töskur, skipta peningum, bóka ferðir og fá aðstoð við að skipuleggja fríið. Stutt í allt það helsta sem hægt er að skoða á svæðinu og auðvelt að komast í alls konar afþreyingu, t.d. skemmtigarða og golfið.

Monarque Torreblanca, Fuengirola

Monarque Torreblanca hótelið er snyrtilegt og fjölskylduvænt hótel á góðum stað í Fuengirola. Hótelið hentar fjölbreyttum hópum ferðamanna því herbergin eru af ýmsum stærðum og þar er allt sem þarf fyrir fullkomið frí í sólinni.

Á hótelinu eru 184 herbergi sem skiptast í einstaklingsherbergi, tveggja til þriggja manna herbergi og fjölskylduherbergi. Herbergin eru litrík og björt með stórum gluggum, viðarhúsgögnum og parketi á gólfum. Á öllum herbergjum er loftkæling, internet og sjónvarp, míníbar og öryggishólf. Herbergin eru öll með sjávarsýn, sem þýðir að frá þeim er stórbrotið útsýni út á Miðjarðarhafið. Það er dásamlegt að sitja á svölunum, slaka á og njóta sólarlagsins. Baðherbergin eru flísalögð og koma með baðkari, sturtu, hárþurrku og helstu snyrtivörum.

Á hótelinu er morgunverðarhlaðborð í boði á líflegum en kósí veitingastað. Á kvöldin er boðið upp á alþjóðlega sem og innlenda rétti af girnilegu og fjölbreyttu hlaðborði. Stundum eru líka á staðnum sýningarkokkar sem leika listir sínar. Í hótelgarðinum er bar þar sem hægt er að fá sér svalandi drykki og snarl yfir daginn. Kaffihús er á hótelinu þar sem hægt er að sitja á veröndinni með kaffibolla, fylgjast með lífinu við sundlaugina og njóta útsýnisins út á hafið. Á kvöldin breytist kaffihúsið í bar, oft eru sýnd skemmtiatriði þar og dansað. Einnig er boðið upp á skemmtidagskrá inni á hótelinu. Fjölmargir veitingastaðir og barir eru í grennd við hótelið og þarna um slóðir er til dæmis tilvalið að skella sér á steikhús.

Hótelgarðurinn er rúmgóður og þægilegur með sundlaug og ágætis aðstöðu til sólbaðsiðkunar.

Monarque Torreblanca hótelið er í heildina góður kostur góður kostur fyrir þá sem vilja slappa af í fríinu en þeir sem vilja hreyfa sig aðeins, t.d. spila golf, geta fundið bestu golfvelli á svæðinu í grennd við hótelið. Gestamóttaka er opin allan sólarhringinn, þar er minjagripaverslun og vingjarnlegt starfsfólk sem er alltaf tilbúið til að aðstoða. Hótelið er staðsett nálægt fjölmörgum vinsælum áfangastöðum, t.d. göngugötunni, Playa de las Gaviotas strönd og Sohail kastala og auðvelt er að komast frá hótelinu á helstu áfangastaði.

Alay, Benalmadena

Hotel Alay er glæsilegt hótel með fallegum garði á frábærum stað á Benalmadena.
Góð aðstaða til að slaka á en auk þess stutt í fjörið á ströndinni og í golfið.

Á hótelinu eru 250 herbergi sem skiptast í tveggja til þriggja manna herbergi og svítur. Hönnun herbergjanna er nútímaleg og innréttingar klassískar. Herbergin eru björt og rúmgóð og öll í ljósum tónum en þó er stutt í litríka skrautmuni. Sum þeirra eru með frábæru útsýni til sjávar. Á hótelinu er allt sem þarf til að gera fríið sem þægilegast en á öllum herbergjum er internet, loftkæling, sjónvarp og öryggishólf.
Út frá herbergjunum eru svalir með útihúsgögnum. Baðherbergin eru flísalögð og þar er baðkar með sturtu, hárþurrka og allar helstu snyrtivörur.

Á hótelinu er veitingastaður þar sem boðið er upp á girnilegt morgunverðarhlaðborð. Á kvöldin er einnig hlaðborð með alþjóðlegum og spænskum réttum svo þar ættu allir að finna eitthvað við sitt hæfi.
Á veitingastaðnum er líka bar þar sem hægt er að njóta þess að sötra á ljúffengum drykk og lesa bók, spila á spil eða panta sér snarl. Einnig er sportbar á hótelinu en þar er hægt að spila billjarð eða panta sér drykk og fylgjast með einhverjum af þeim íþróttakappleik sem sýndir eru á skjánum.
Leikjaherbergi er á hótelinu þar sem hægt er að komast inn úr sólinni.

Hótelgarðurinn er stór og rúmgóður með þremur sundlaugum, tveimur nuddpottum og rúmgóðu svæði til að sleikja sólina, bæði við sundlaugarbakkann og á sólbaðsverönd.
Nóg er af sólbekkjum, sólhlífum og hengirúmum fyrir alla og fallegt útsýni frá hótelgarðinum út á Miðjarðarhafið. Á hótelinu er frábær aðstaða til líkamsræktar svo hér ættu allir að geta haldið rútínu í fríinu.
Einnig er hægt að fara í nudd eða panta sér snyrtimeðferðir.

Í heildina er Hotel Alay frábær kostur í Benalmadena því staðsetningin er frábær og stutt í marga af helstu áfangastöðum á svæðinu, þar á meðal góða veitingastaði þar sem hægt er að njóta spænskrar matarmenningar.
Gestamóttakan er opin allan sólarhringinn en þar er starfsfólk tilbúið til að aðstoða gesti við að gera fríið sem ánægjulegast.

Best Siroco, Benalmadena

Best Siroco hótelið er nútímalegt, stórt og glæsilegt hótel rétt við strandlengjuna í Benalmadena. Stutt niður á höfn og hótelið er í göngufjarlægð frá skemmtigörðum og fjölbreyttri afþreyingu.

Á hótelinu eru 404 herbergi sem skiptast í tveggja, þriggja og fjögurra manna herbergi. Herbergin eru björt og fallega innréttuð, veggir eru hvítmálaðir en viðarhúsgögn og parket á gólfi gera umhverfið mjög hlýlegt. Á öllum herbergjum er frítt internet, sjónvarp með gervihnattastöðvum, míníbar, sími og öryggishólf en einnig eru svalir eða verönd út frá öllum herbergjum. Baðherbergin eru flísalögð og á þeim er baðkar með sturtu, hárþurrka og helstu snyrtivörur.

Á hótelinu er veitingastaður sem býður upp á spænska og alþjóðlega rétti af hlaðborði. Stundum eru þar matreiðslumenn að leika listir sínar og leyfa gestum að fylgjast með. Einnig er bar á hótelinu þar sem reglulega er boðið upp á fjörug skemmtiatriði. Það er ávísun á indæla kvöldstund að fá sér drykk í góðum félagsskap úti á veröndinni. Margir góðir veitingastaðir og skemmtilegir barir eru í næsta nágrenni við hótelið svo það er um að gera að skoða sig um.

Hótelgarðurinn er stór, fallegur og gróinn. Í honum eru tvær góðar sundlaugar og sólbaðsverönd svo nóg er af plássi og góð aðstaða til að slaka á og sleikja sólina. Á hótelinu er gott líkamsræktarherbergi þar sem hægt er að taka vel á því og eftir æfinguna er hægt að skella sér í tyrkneskt bað eða sánu. Leikjaherbergi er á hótelinu en meðal annars er hægt að spila billjarð þar. Á hótelinu er líka fjölbreytt skemmtidagskrá fyrir börn.

Í heildina er um að ræða góðan kost á mjög skemmtilegum stað við höfnina í Benalmadena. Hótelið hentar ferðamönnum með fjölbreyttar þarfir og ólíkum hópastærðum. Góðir golfvellir eru í grennd við hótelið fyrir þá sem vilja taka einn hring eða þrjá.

Estival Torrequebrada, Benalmadena Costa

Hotel Estival Torrequebrada er reisulegt hótel á glæsilegum útsýnisstað við Miðjarðarhafið. Fjölbreytt afþreying, spilavíti (casino) og stutt í golfið.

Á hótelinu eru 372 herbergi sem skiptast í tveggja manna herbergi, junior svítur og svítur. Herbergin eru snyrtileg og rúmgóð. Þau eru björt og máluð í ljósum litum en húsgögn eru viðarlituð og parket
er á gólfum sem gerir þau klassísk og hlýleg. Öll herbergin hafa svalir með útihúsgögnum þar sem dásamlegt er að sitja og njóta útsýnisins út á hafið. Á öllum herbergjum er loftkæling, internet,
sjónvarp með alþjóðlegum stöðvum, sími, öryggishólf og lítill ísskápur. Baðherbergin eru nútímaleg og afar snyrtileg. Þau eru flísalögð og þar er góð sturta, hárþurrka, stækkunarspegill og helstu snyrtivörur.

Á hótelinu er góð veitingaaðstaða sem er mjög fallega hönnuð og rúmgóð en um leið kósý. Veitingastaðurinn er opinn á morgnana, í hádeginu og á kvöldin. Boðið er upp á fjölbreytta
alþjóðlega rétti, spænska og Miðjarðarhafsrétti á girnilegu og vönduðu hlaðborði þar sem aðeins er notað gæðahráefni. Hægt er að fylgjast með matreiðslufólki að störfum í veitingasalnum.
Í spilavíti hótelsins er svo bar með léttri veitingaaðstöðu þar sem hægt er að panta drykki og veitingar af matseðli.

Hótelgarðurinn er stór og gróinn en þar er tilvalið að slappa af milli pálmatrjánna. Góð aðstaða er til sólbaðsiðkunar á veröndum og í kringum sundlaugarnar sem eru nokkrar í garðinum en
meðal annars er þar sundlaug með skemmtilegu leiksvæði fyrir börnin og rennibrautum. Fjölmargt er hægt að gera sér til afþreyingar á hótelinu. Þar er góð líkamsræktaraðstaða, hægt er að
spila borðtennis, tennis, blak, fótbolta eða körfubolta. Eins eru skemmtilegir golfvellir í grennd við hótelið. Á hótelinu er spilavíti (casino) þar sem er skemmtilegt að eyða kvöldstund,
fá sér ljúffenga drykki og spila póker eða aðra leiki. Á hótelinu er skemmtidagskrá og nokkur skipti í viku eru sýningar á kvöldin.Svo er einnig gott að slaka á við sundlaugina eða inni á
heilsulindinni þar sem er innisundlaug og hægt að skella sér í sánu eða panta nudd.

Í heildina er Estival Torrequebrada einstakt hótel sem hentar öllum þeim ferðamönnum sem vilja blanda saman afslöppun og skemmtilegri afþreyingu í fríinu.

Holiday World Riwo, Benalmadena

Riwo Hotel er glæsilegt og spennandi hótel sem er hluti af Holiday World hótelsvæðinu í Benalmadena. Ævintýralegt umhverfi og frábær kostur fyrir fjölskyldufríið í sólinni.

Á hótelinu eru 148 svítur sem eiga það sameiginlegt að vera rúmgóðar, bjartar og snyrtilegar. Hægt er að fá svítur sem henta ólíkum ferðamönnum; meðal annars svítu með helstu nútímatækni eða með risaeðluþema. Hönnun hótelsins er annars undir léttum innblæstri frá frumskóginum. Veggir eru ljósmálaðir, á gólfum eru ljósar marmaraflísar og náttúruleg birta lýsir upp rýmin. Í öllum svítum eru loftkæling, internet, sjónvarp, lítið eldhús með ísskáp og því helsta sem þarf til léttrar matargerðar, öryggishólf, setustofa og skrifborð. Svalir eru með útihúsgögnum og útsýni til sjávar. Baðherbergin eru flísalögð og þar eru baðkar með sturtu, hárþurrka og helstu snyrtivörur.

Á hótelinu er frábær veitingastaður þar sem boðið er upp á girnilega og fjölbreytta rétti af hlaðborði. Þar eru oft haldin þemakvöld með mismunandi réttum í boði. Einnig er bar á hótelinu og snarlbar með ljúffenga drykki og létta rétti. Lítil verslun er á hótelinu og svo er hægt að panta veitingar upp á herbergið.

Hótelgarðurinn er skemmtilega hannaður og mætir þörfum ólíkra gesta. Gott svæði til sólbaðsiðkunar og flott sundlaug fyrir börn og fullorðna. Þar sem hótelið er hluti af Holiday World hótelkeðjunni er öll aðstaða hinna fjögurra hótelanna í boði fyrir gesti og frítt skutl á milli. Einnig er hægt að fá skutl í „klúbbinn“ eða Beach club en þar er sundlaug með nuddi, öldulaug, rennibrautir, sjóræningjaskip og skemmtidagskrá fyrir börn og fullorðna, bæði yfir daginn og yfir kvöldið. Líkamsræktaraðstaða er á hótelinu og heilsulind með innisundlaug. Í heilsulindinni er hægt að slaka á í fjölbreyttu dekri eða panta snyrti- og heilsumeðferðir.

Hótelkeðjan Holiday World hentar einstaklega vel þeim sem langar til að samræma gott frí í sól og slökun og jafnframt stunda íþróttir. Sérstök líkamsræktarstöð er á staðnum sem er ætluð öllum hótelum innan keðjunnar en þar gefst hótelgestum kostur (gegn aukagjaldi ) að fara í alla vegna skipulagt íþróttastarf t.d crossfit, fótbolta eða einkaþjálfun og margt fleira.

Á hótelinu sjálfu er einnig fjölbreytt afþreying fyrir alla aldurshópa og þar ættu því allir að finna eitthvað við sitt hæfi. Skemmtanir fyrir alla fjölskylduna eru settar upp á kvöldin og á daginn er krakkaklúbbur starfræktur á hótelinu en þar starfar frábært fólk við að halda uppi skemmtidagskrá fyrir börnin, meðal annars er hægt að læra um ræktun, umhirðu plantna og sjálfbærni. Á hótelinu er leiksvæði með rennibrautum og boltaleikjum, míní-golfvöllur, leikjasalur, keilusalur, skot- og bogfimisvæði og ýmislegt annað skemmtilegt. Þvottaaðstaða er til staðar á hótelinu. Starfsfólkið í gestamóttökunni er vingjarnlegt og alltaf boðið og búið að hjálpa gestum að gera fríið eins dásamlegt og eftirminnilegt og það getur orðið. Hótelið er staðsett aðeins út úr en auðvelt er að nálgast leigubíla og lestastöðin er í u.þ.b. 10-15 mínútna göngufjarlægð. 

Globales Playa Estepona

Glæsilegt fjögurra stjörnu hótel staðsett alveg við ströndina í Estepona sem er strandbær rétt hjá Marbella eða í um 10 mínútna akstursfjarlægð frá Puerto Banús bátahöfninni. 

Aðstaðan á hótelinu er mjög góð og hentar einstaklega vel fjölskyldufólki, en þarna er stór og fallegur sundlaugargarður þar sem má finna 5 sundlaugar, þ.a.m. vatnsrennibrautargarður sem kallaður er Splash World og býður upp á nokkrar stórskemmtilegar vatnsrennibrautir og er þar eitthvað í boði fyrir alla aldurshópa frá litlum börnum allt til fullorðinna. Fyrir þá sem sækja frekar í rólegheit heldur en buslugang, er lítið mál að finna sér góðan stað í fallegu umhverfi við eina af þeim sundlaugum þar sem ríkir ró og næði. Allt um kring í garðinum og einnig á ströndinni eru sólbekkir og sólhlífar.  í garðinum er einnig útibar þar sem bæði er hægt að svala þorstanum og fá sér eitthvað gott að borða. 

Hótelið býður upp á allt innifalið og er morgunverður, hádegis- og kvöldverður borinn fram af hlaðborði þar sem hægt er að horfa á kokkana að störfum. Starfsfólk hótelsins sér um afþreyingu frá morgni til kvölds, barnaklúbbur er á svæðinu og barnaleiksvæði og því er hægt að segja að eitthvað sé um að vera allan daginn, en  á kvöldin er mini disco og eftir það tekur við skemmtun fyrir þá eldri. Á hótelinu er einnig líkamsræktaraðstaða, tennisvöllur, borðtennis, pílukast og karokí bar. 

Herbergin eru fallega búin og eru öll með sjónvarpi, síma. öryggishólfi, loftkælingu og litlum ísskáp svo eitthvað sé nefnt. Val er um herbergi með svölum eða herbergi með svokallaðar franskar svalir, sem er eins og gluggi og því er ekki hægt að ganga út á þær. Baðherbergi eru ýmist með baðkari eða sturtu og helstu snyrtivörum. Móttaka er opin allan sólarhringinn, þráðlaust net er á öllum svæðum og einnig inn á herbergjum. 

Golfvöllurinn Atalaya Golf er í næsta nágrenni við hótelið og því er tilvalið fyrir golfáhugafólk að stoppa þar við. 

Holiday World Polynesia, Benalmadena

Polynesia Hotel er tignarlegt hótel sem er hluti af Holiday World hótelsvæðinu í Benalmadena. Líflegt og vingjarnlegt andrúmsloft og allt til alls fyrir ógleymanlegt frí í sólinni.

Á hótelinu eru 223 svítur. Hönnun hótelsins er undir innblæstri frá eyjaklösum í Pólýnesíu; Bora Bora, Samóa eyjum og Páskaeyjum. Svíturnar eru rúmgóðar, snyrtilegar og nútímalegar. Veggir eru ljósmálaðir, á gólfum eru ljósar marmaraflísar en fallegar myndir og viðarhúsgögn koma hlýleika í rýmið. Í öllum svítum eru loftkæling, internet, sjónvarp, lítið eldhús með ísskáp og öllu því helsta sem þarf til léttrar matargerðar, öryggishólf, setustofa og skrifborð. Svalir eru með útihúsgögnum og útsýni til sjávar. Baðherbergin eru flísalögð og þar eru baðkar með sturtu, hárþurrka og helstu snyrtivörur.

Á hótelinu er fjölbreytt matarupplifun í boði og spennandi matseðlar á veitingastöðum. Í hótelgarðinum er yndislegt að njóta léttra veitinga og svalandi drykkja á veröndinni við sundlaugina. Lítil verslun er á hótelinu og svo er hægt að panta veitingar upp á herbergið. Á hótelinu er bar/klúbbur þar sem er hægt að panta bragðgóða drykki og dansa, jafnvel er hægt að syngja karaoke.

Hótelgarðurinn er allt í kring um gríðarstóra sundlaug. Þar er frábær aðstaða til afslöppunar og sólbaðsiðkunar og á kvöldin er indælt að sitja í garðinum og sötra á ljúffengum kokteil. Leitast er við að finna anda Pólýnesíu stað á hótelinu en inni á hótelinu er tjörn með gullfiskum og víða má finna svæði með gróðri frá Pólýnesíu, fuglum, skjaldbökum og öðrum dýrum.

Þar sem hótelið er hluti af Holiday World hótelkeðjunni er öll aðstaða hinna fjögurra hótelanna í boði fyrir gesti og frítt skutl á milli. Einnig er hægt að fá skutl í „klúbbinn“ eða Beach club en þar er sundlaug með nuddi, öldulaug, rennibrautir og skemmtidagskrá fyrir börn og fullorðna, bæði yfir daginn og yfir kvöldið. Líkamsræktaraðstaða er á hótelinu og heilsulind en þar er hægt að slaka á í alls konar dekri eða panta snyrti- og heilsumeðferðir. Lítil heilsulind er fyrir börnin svo hér er virkilega hugsað fyrir öllu.

Hótelið er mjög fjölskylduvænt og þar er fjölbreytt afþreying í boði fyrir alla aldurshópa. Krakkaklúbbur er starfræktur á hótelinu en einnig eru þar innileiksvæði, kvikmyndasalur, útisvið þar sem settar eru upp sýningar, lítill keilusalur og útileiksvæði með rólum, íþróttavellir og mínígolfvöllur. Þvottahús er á hótelinu sem getur komið sér vel fyrir barnafólk. Í heildina er Polynesia hótelið hentugur kostur fyrir alla ferðamenn sem vilja skemmta sér vel í fríinu sínu. 

Hótelkeðjan Holiday World hentar einstaklega vel þeim sem langar til að samræma gott frí í sól og slökun og jafnframt stunda íþróttir. Sérstök líkamsræktarstöð er á staðnum sem er ætluð öllum hótelum innan keðjunnar en þar gefst hótelgestum kostur (gegn aukagjaldi ) að fara í alla vegna skipulagt íþróttastarf t.d crossfit, fótbolta eða einkaþjálfun og margt fleira.

Hótelið er staðsett aðeins út úr en það tekur um það bil 10 - 15 mínútur að ganga á lestarstöðina og auðvelt er að nálgast leigubíla. 

Guadalpín Banús, Marbella

Gran hotel Guadalpin Banus er stórt og vel skipulagt glæsihótel í fallega upplýstri byggingu við ströndina í Marbella. Góð staðsetning og frábær kostur fyrir ólíka hópa ferðamanna.

Á hótelinu eru 180 rúmgóð herbergi sem skiptast í einstaklingsherbergi, tveggja til þriggja manna herbergi, fjölskylduherbergi og fjölbreyttar svítur. Á hótelinu er gengið út frá því að þægindi og lúxus mætist þannig að bæði er hugað að tæknimálum og fallegri hönnun. Herbergin eru því vel útbúin, veggir eru alltaf ljósmálaðir og parket eða flísar á gólfum. Öll herbergin eru með loftkælingu, interneti, sjónvarpi með gervihnattastöðvum, míníbar, öryggishólfi og síma. Einnig eru svalir eða verönd út frá herbergjunum. Baðherbergin eru flísalögð en þar eru sturta og baðkar, hárþurrka og helstu snyrtivörur.

Á aðal veitingastað hótelsins er boðið upp á girnilegan morgunverð þar sem matreiðslumenn leika listir sínar en réttir eru þá framreiddir fyrir hvern og einn út frá séróskum. Yfir daginn er hægt að panta mat á veitingastaðnum og kvöldverður samanstendur af Miðjarðarhafsréttum og alþjóðlegum réttum sem bornir eru fram í rólegu og hlýlegu umhverfi. Einnig eru á hótelinu ítalskur staður og asískur staður. Hægt er að panta nestispakka eða láta senda mat upp á herbergið. 

Fjórir barir eru á hótelinu. Á leiðinni niður að strönd er útisetustofa þar sem fullkomið er að eyða rólegheitamorgni eða sitja og slaka á yfir sólsetrinu. Í anddyrinu er bar sem býður upp á drykki og snarl til að njóta í kósý setustofu innandyra. Á sundlaugarbarnum er hægt að kaupa létta drykki, ávaxtadrykki og snarl yfir daginn. Einnig er á hótelinu sportbar en þar er gott úrval af áfengum drykkjum, grillmatur og Miðjarðarhafsréttir. 

Hótelgarðurinn er góður, þar er góð sundlaug og nóg af sólbekkjum en svo eru aðeins nokkur skref niður á fallega ströndina þar sem einnig er frábær aðstaða til að flatmaga og sleikja sólina eða leika sér í flæðarmálinu. Á hótelinu er hægt að fara í ræktina, sánu og gufubað. Einnig er leiksvæði fyrir börnin og margt fleira hægt að finna sér til dundurs. Stundum er lifandi tónlist eða önnur skemmtiatriði flutt á hótelinu.

Í heildina má búast við að dvöl á Guadalpin Banus hótelinu verði ógleymanleg. Hótelið er fallega staðsett beint á ströndinni á Marbella og í göngufjarlægð frá höfninni, verslunarsvæðum, vatnaíþróttum og skemmtilegum viðkomustöðum í þessum heillandi bæ.