fbpx Sol Y Mar. Íbúðargisting á besta stað. Miðbær Calpe. Arenal strönd

Apartamentos del mar íbúðir, Calpe
4 stars

Vefsíða hótels

Apartamentos del mar er góð íbúðargisting á besta stað í miðbæ Calpe, við Arenal ströndina. Hótelið er eingöngu fyrir fullorðna, 16 ára og eldri, þannig að þar er rólegt og afslappað andrúmsloft.
Sérlega góður kostur fyrir sóldýrkendur sem vilja slaka vel á nálægt sjónum.

Hér eru allar helstu upplýsingar um sóttvarnir og ráðstafanir sem gripið hefur verið til á Apartamentos del mar

Á hótelinu eru fjölmargar íbúðir sem eru eins til þriggja herbergja og ættu því að henta fjölbreyttum hópum. Íbúðirnar eru einstaklega rúmgóðar og vel búnar. Þær eru ljósmálaðar og með flísum á gólfi. Í þeim er flatskjár, dvd, loftkæling, ísskápur og eldhús. Einnig eru svalir með útihúsgögnum í öllum íbúðum. 
Ef þú velur íbúð með sjávarsýn þá fylgir henni frábært útsýni út á Miðjarðarhafið og Costa Blanca strandlengjuna.

Íbúðirnar deila aðstöðu með Gran Hotel Sol y Mar hótelinu svo þar er allt til alls þegar kemur að sólbaðs-, líkamsræktar- og veitingaaðstöðu. Það er auðvelt að finna fallegan stað til að borða á þarna um slóðir því útsýnið er frábært út á flóann. Veitingastaðurinn The Food Gallery er sýningareldhús þar sem hægt að panta frábæra hrísgrjónarétti, kjötrétti og ferskan fisk sem kemur beint af markaðnum og fylgjast með eldamennskunni. Hinn veitingastaðurinn, Abyss, sérhæfir sig í hefðbundinni matargerð úr bestu fáanlegu hráefnum. Á sumrin er svo einn veitingastaður í viðbót, The beach club, þar sem boðið er upp á létta rétti og drykki.
Í byggingunni er kaffihúsið 360° sem er frábær staður til að hittast á, fá sér eitthvað snarl og njóta stórbrotins útsýnis yfir Arenal ströndina. Þar er einnig reglulega spiluð lifandi tónlist sem heldur uppi góðri stemningu. Dorée er svo hótelbarinn sem er sérstaklega hannaður til að hægt sé að slaka á með ljúffengan drykk í hönd og horfa á sólina setjast í Miðjarðarhafið. Að lokum er sportbar á hótelinu þar sem hægt er að fylgjast með helstu íþróttaviðburðum.
Í heilsulindinni eru í boði fjöldinn allur af heilsu- og vellíðunarmeðferðum sem margar tengjast vatni. Líkamsræktin er stór og búin nýlegum og góðum tækjum, og einkaþjálfari er þér innan handar.

Í um það bil 500 metra fjarlægð frá hótelinu stoppar strætó sem gengur til Benidorm fjórum sinnum á dag.

Hægt er að panta þrif á meðan dvöl stendur gegn vægu gjaldi og er borgað fyrir hvert skipti. Gjaldið fer eftir stærð íbúðar. Panta þarf þrif og greiða fyrir í gestamóttöku. Þrif eru innifalin eftir að dvöl lýkur. 
Gestir geta sótt sér hrein handklæði og sængurföt.
Ath. að farþegar þurfa að leggja fram til hótelsins 150 evrur við komu. Þetta er einungis tryggingargjald sem fæst til baka við brottför nema annað komi fram.

Fjarlægðir

  • Flugvöllur: 64 km
  • Miðbær: Í miðbæ Calpe
  • Strönd: Við strönd
  • Veitingastaðir: Allt í kring

Aðstaða

  • Sundlaug
  • Veitingastaður
  • Bar
  • Barnadagskrá
  • Barnasundlaug
  • Gestamóttaka
  • Heilsulind
  • Líkamsrækt
  • Nettenging: Hægt er að komast í nettengingu í móttöku á hótelinu
  • Íbúðir: eru með 1-3 svefnherbergjum, athugið að ætlast er til að íbúðir séu losaðar kl. 10:00 á brottfarardegi

Vistarverur

  • Sjónvarp
  • Loftkæling
  • Ísskápur
  • Verönd/svalir

Fæði

  • Hálft fæði
  • Morgunverður
  • Án fæðis

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun