Maspalomas Lago, Maspalomas

Skemmtileg og vel búin smáhýsi sem staðsett  eru í Maspalomas nálægt Faro 2 verslunarmiðstöðinni, sem margir þekkja.

Smáhýsin hafa öll verið endurnýjuð og eru rúmgóð. Val er um standard eða deluxe smáhýsi, öll eru þau með einu svefnherbergi og rúma allt að 3 fullorðna einstaklinga. Í húsunum er eldhús, stofa, svefnherbergi, baðherbergi, þráðlaust internet og hárþurrka. Verönd fylgir með hverju smáhýsi þar sem eru útihúsgögn og 2 sólbekkir eru við hvert hús. Í deluxe húsunum er loftkæling. 

Smáhýsin eru byggð í tveimur röðum umhverfis sundlaugargarðinn og saman mynda þau einskonar þorp. Garðurinn er tiltölulega stór og mjög skemmtilegur, þarna er sundlaug, barnasundlaug og góð sólbaðsaðstaða. 

Faro 2 verslunarmiðstöðin er í rúmlega 5 mínútna göngufjarlægð (um 500 metrar) og stutt er í golfvöllinn í Maspalomas.