Pestana Carlton

Pestana Carlton Madeira er 5 stjörnu lúxus hótel alveg við sjóinn í um 15 mín göngufjarlægð frá miðbæ Funchal. Veitingastaðir og barir eru á svæðinu í kringum hótelið. Á hótelinu er heilsulind, innisundlaug og hægt að kaupa nudd og aðrar meðferðir. Ágætis líkamsræktaraðstaða er á hótelinu. Sundlaugargarðurinn er fallegur með útsýni til sjávar, sólbekkir og sundlaug. Veitingastaður og bar er á hótelinu með skemmtilegu útisvæði þar sem hægt er að njóta útsýnisins. 

Herbergin eru rúmgóð og vel innréttuð í ljósum litum. Sloppar og inniskór eru á hverju herbergi ásamt handklæði fyrir sundlaugagarðinn. Þau eru öll með loftkælingu, sjónvarpi, hárþurrku, minibar, öryggishólfi og fríu þráðlausu interneti.