Pestana Cascais

Pestana Cascais er gott 4 stjörnu hótel með fallegt útsýni til sjávar. Um hálftíma gangur er að miðbæ Cascais og hægt er að ganga meðfram sjónum að miðbænum og ströndinni. Golfvellirnir Oitavos Dunes Golf Course og Quinta da Marinha eru í 5 mín akstursfjarlægð frá hótelinu. Heilsulindin á hótelinu býður upp á tyrkneskt bað, sauna, upphituð innisundlaug og nudd. Lítil líkamsræktarstöð er á hótelinu fyrir þá sem vilja hreyfa sig. Einnig er tennis- og padelvöllur. Veitingastaðurinn heitir Ocean og býður upp á morgunverð af hlaðborði. Á barnum Atlantic er hægt að fá drykki og snarl allan daginn. Sundlaugagarðurinn er fallegur og rúmgóður með stórri sundlaug og sólbekkjum.

Herbergin eru öll með svölum og ýmist með og án sjávarsýn. Lítill eldhúskrókur er á herbergjunum með örbylgjuofni og hellu. Loftkæling er á öllum herbergjum og sjónvarp, öryggishólf er gegn gjaldi. Frítt þráðlaust internet er um allt hótelið.