Barceló Margaritas Royal Level, Playa del Inglés

Barceló Margaritas hótelið var allt enduruppgert árið 2022. Hótelið er vel staðsett á ensku ströndinni og býður upp á tvær útisundlaugar barnasundlaug, líkamsræktarstöð og Crossfit undir berum himni með einkaþjálfara. Boðið er uppá skemmtidagskrá á daginn og á kvöldin. Einnig er í boði ókeypis strætó til Maspalomas- og Playa del Inglés strandanna. Maspalomas golfvöllurinn er 2,2 km frá hótelinu og Playa del Ingles ströndin er í 1,9 km fjarlægð.

Á hótelinu eru samtals 322 herbergi. Royal Level svæði hótelsins er eingöngu ætlað fullorðnum eða 16 ára og eldri. Þar eru 45fm Junior svítur og 52fm svítur sem leyfa mest 3. Kaffiaðstaða og náttsloppar eru á svítunum og eru þær innréttaðar með einföldum en fallegum innréttingum. Öll gistirýmin eru með loftkælingu og gervihnattasjónvarpi. Á Royal Level svæðinu fá gestir aðgengi að sérstöku Royal Level Lounge svæði, aðgengi að sérstöku sólbaðs og sundlaugarsvæði, aðgengi að öðrum nýrri matsal sem er eingöngu fyrir þá sem gista á Royal Level svæðinu. Hægt er að velja um morgunmat, hálft fæði eða allt innifalið.

Hálft fæði innifelur morgunverð og kvöldverð.Allt innifalið innifelur morgunverð, hádegisverð og kvöldverð af hlaðborði, alla drykki á opnunartíma og snakk.