Bertelli

Vefsíða hótels

Hótel Bertelli er gott fjögurra stjörnu hótel, frábærlega staðsett ofarlega í Madonna di Campiglio, rétt við skíðakláfinn Pradalago. Fimm mín ganga er í miðbæinn. Allt er til alls á hótelinu og eru herbergin rúmgóð og notaleg.  Á hótel Bertelli eru huggulegar setustofur, bar og einn af betri veitingatöðum Madonna.
Heilsulindin er með litla sundlaug, tyrkneskt bað, sauna og nuddpotta. Gott er að slaka á þar eftir góðan skíðadag. Í boði er að fara í sólbekki og alls kyns nudd, gegn greiðslu.  

Hálft fæði er á hótelinu og er góður veitingastaður þar sem þjónustan er fyrsta flokks. Morgun- og kvöldverðarsalurinn er fallegur og er maturinn góður og glæsilega fram borinn. Þar er meðal annars hægt að fá mjög góðan ítalskan mat og úrvals vín frá héraðinu. 

Herbergin eru falleg og búin helstu þægindum. Öll með baðkeri eða sturtu, öryggishólfi, síma, hárþurrku, smábar, nettengingu (án gjalds) og gervihnattasjónvarpi. Flest herbergin eru með svölum. Hótel Bertelli er eitt fínasta hótelið í Madonna.

Vinsamlegast athugið að þrátt fyrir að hótelið sé með nettengingu, getur sambandið verið slitrótt og óöruggt.
Þeim sem verða að komast á netið, t.d. vegna vinnu er ráðlagt að taka með sér G-4 tengi.
Þetta á við öll hótelin í bænum.

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Skatturinn er á 2 Evrur á mann á nótt veturinn 2017 - 2018. 
Gildir aðeins fyrir 15 ára og eldri. 

Fjarlægðir

  • Flugvöllur: 150 km
  • Miðbær: 200 m
  • Veitingastaðir: Á hótelinu
  • Skíðalyfta: Rétt við Pradalago

Aðstaða

  • Veitingastaðir
  • Bar
  • Gestamóttaka
  • Heilsulind
  • Lyfta
  • Nettenging: Þráðlaus nettenging án endurgjalds er á sameiginlegum svæðum og í herbergjum
  • Sundlaug: Innisundlaug

Vistarverur

  • Sjónvarp
  • Öryggishólf
  • Minibar
  • Hárþurrka

Fæði

  • Hálft fæði