Coco-Mat Athens BC

Coco-Mat BC er hótel sem sameinar sögu, náttúru, hönnun og fágun í glæsilegri byggingu sem staðsett er í hjarta Aþenu.

Listaverkin, forna mosaikgólfið í afgreiðslunni, róandi umhverfið, hlýlegu herbergin, heilsulindin og útsýnið frá veitingahúsinu uppi á þaki gera dvölina á Coco-Mat BC að einstakri reynslu sem endurspeglar gríska gestrisni eins og best verður á kosið.

Hótelið er staðsett við fjölfarna og skemmtilega göngugötu sem er nálægt öllum helstu kennileitum borgarinnar. Í herbergjunum sem eru ekki mjög stór en fallega innréttuð á hlýlegan hátt eru cocomat dýnur á rúmunum. Barinn og veitingastaðurinn við sundlaugina uppi á þaki bjóða upp á snarl og veitingar og ekki skemmir þar stórkostlegt útsýnið yfir á Akrópólis.