Reina Isabel, Las Palmas

Hótel Ísabellu drottningar stendur við rólega götu í viðskiptahverfi Las Palmas á Gran Canaria, alveg við hina fögru Las Canteras-strönd þar sem eru sólbekkir og sólhlífar í eigu hótelsins. Betri staðsetning er vandfundin.

Á hótelinu eru 224 þægileg eins, tveggja og þriggja manna herbergi búin kapal- og gervihnattasjónvarpi (flatskjá), öryggishólfi, ísskáp, smábar, síma, loftkælingu, te- og kaffigræjum og aðgangur að neti er ókeypis. Á baðherbergi er hárþurrka.

Almenningssvæði á hótelinu eru nýlega endurnýjuð og búin nútíma þægindum.

Á Roma-veitingastað hótelsins er boðið upp á morgunverð og kvöldverð af hlaðborði. La Prilla er annar veitingastaður á hótelinu og þar er boðið upp á blöndu af asískum og perúskum réttum af matseðli frá mánudegi til laugardags. Fiesta-barinn við sundlaugarbakkann framreiðir svalandi drykki og snarl og á La Marina-veröndinni er hægt að fá sér kaffibolla og njóta útsýnis yfir Las Canteras-göngusvæðið.

Að sjálfsögðu er sundlaug á þaki hótelsins þar sem er nuddpottur, sána, tyrkneskt bað og líkamsræktaraðstaða. Aðgengi er gott fyrir fatlaða og lyfta er á hótelinu.