Sentido Punta del Mar, Santa Ponsa

Fallegt hótel, eingöngu fyrir fullorðna (17 ára og eldri) og stendur á friðsælum höfða í Santa Ponsa þar sem unaðslegt útsýni er yfir sjóinn. Hótel fyrir rómantísk pör á öllum aldri.

Í hótelinu eru 186 herbergi sem rúma allt að þrjá fullorðna. Herbergin er ljós, björt og þægileg með parketi á gólfum. Öll eru búin loftkælingu, sjónvarpi, litlum kæliskáp og öryggishólfi (gegn gjaldi). Þráðlaus netaðgangur er alls staðar í hótelinu og þarf ekki að borga sérstaklega. Í baðherbergi er sturtuklefi og hárþurrka fylgir. Svalir eða verönd er á öllum herbergjum og þaðan er falleg sjávarsýn. 

Í Sentido Punta er bæði hlaðborðsveitingastaður með verönd utandyra þar sem boðið er upp á morgunverð, hádegismat og kvöldverð og annar þar sem hægt er að panta sérrétti af matseðli. Bar er á jarðhæð, opinn frá morgni til hálf tólf á kvöldin og auk drykkja er einnig hægt að fá alls konar snarl. Á fimmtu hæð er „Blái barinn“, opinn frá hálf fjögur á daginn til hálf tólf á kvöldin. Þaðan er afbragðs útsýni yfir sjóinn.

Á Sentido Punta del Mar eru tvær útisundlaugar, hvor á sínum palli, og í kring er góð sólbaðsaðstaða með bekkjum og sólhlífum. Hægt er að fara í sjóinn af klettum við hótelið en sandströnd er engin. Nokkrum sinnum í viku er boðið upp á kvöldskemmtanir og tónlist í hóteli

Lítill líkamsræktarsalur er í hótelinu og heilsulind með innilaug, sána,  tyrknesku baði og nuddpotti. Aðgangur er að billjardborðum og borðtennisborðum. Reiðhjólaleiga er á staðnum.

15 mínútna ganga er í miðbæ Santa Ponsa, en þar er ýmislegt við að vera fyrir þá sem vilja líta aðeins uppúr sólbaðinu, s.s. verslanir og veitingahús. Á ströndinni í innan við kílómetera fjarlægð frá hótelinu er hægt að komast í sjósport af ýmsu tagi, seglbretti, kajakróður, snorkuköfun og margt fleira. Ekki þarf að fara nema þrjá kílómetra til að komast á golfvöll.

Og svo er það Palma. Þangað eru ekki nema um 20 km frá Santa Ponsa og er borgin heillandi blanda gamalla tíma og nýrra, með söfnum, minnismerkjum, verslunum, kaffi- og veitingahúsum og næturklúbbum.