Senator Gran Via 21

Ágætt 136 herbergja hótel í hjarta borgarinnar. Stendur við Callao torgið á aðal verslunargötu borgarinnar Gran Via. Í hótelbyggingunni er kaffihús og allt um kring eru verslanir (t.d. tvö stór H&M verslunarhús),  veitingastaðir og kaffihús.  Frá Gran Via eru göngugötur með fjölda verslana og vöruhúsa. Stutt er að ganga á torgin „Plaza Espana“ og „Plaza Mayor“.

Gestamóttakan er lítil og einungis nokkrir stólar, en á 2. hæð eru sófar. Á hótelinu er fallegur morgunverðarsalur, en hvorki veitingastaður né  bar, enda nóg af stöðum allt um kring og kaffihús í sömu byggingu.

Herbergi eru meðalstór, öll með parketgólfi. Þau eru öll loftkæld (upphituð) og með síma, sjónvarp i með flatskjá, öryggishólfi , geislaspilara, hraðsuðukatli (te- og kaffi)  og hárþurrku. Á smábarnum er vatn og gos, sem er innifalið í verði. Frítt, þráðlaust net er á öllu hótelinu.  Klakavél er á 2., 4. Og 6. hæð.

Hótelið hentar einstaklingum betur en hópum þar sem sameiginlega aðstaða er lítil.
Hótel Senator Gran Via 21 og Gran Via 70 eru systurhótel og um 10 mínútna gangur á milli þeirra.