Enska ströndin

Playa del Ingles, sem er á suðurhluta eyjunnar, er stærsti og lang vinsælasti dvalarstaður ferðamanna á Gran Canaria. Þetta svæði býður upp á fjölbreytta þjónustu og afþreyingu. 

Englendingar voru fjölmennustu ferðamennirnir á þessum slóðum eftir að svæðið var byggt upp sem ferðamannastaður upp úr 1950 og dregur ströndin því heiti sitt af því. Enska ströndin, sem teygir sig sjö kílómetra frá San Agustin í austri til Maspalomas í vestri, státar m.a. af hvers kyns vatnasporti, íþróttaaðstöðu og góðum golfvöllum sem og verslunarmiðstöðvunum Yumbo, Cita og Kasbah, aragrúa kaffihúsa, fjölbreyttri veitingahúsaflóru, börum, næturklúbbum, diskótekum og skemmtistöðum fyrir fólk á öllum aldri.

Fjarlægðir frá Ensku ströndinni í skemmtigarða.

Skemmti- og fjölskyldustaðurinn Holiday World

Það eru einungis um 5 km frá ensku ströndinni í skemmtigarðinn Holiday World eða um 3-5 mínútna akstur. 

Palmitos Park

Skemmtilegur dýragarður sem er staðsettur í um 16 km fjarlægð eða um 10-15 mínútna aksturfjarlægð frá Ensku ströndinni og ganga strætisvagnar þangað oft á dag.

Dýragarðurinn Cocodrilo Park

Þetta er annar garður sem er í um 25 km fjarlægð eða um 25-30 mínútna akstursfjarlægð frá Ensku ströndinni, hýsir aðallega ótal krókódíla og önnur skyld dýr.

Sioux City 

Gamall tökustaður fyrir kúrekamyndir, staðsettur um 6 km fyrir utan San Agustin eða í um 5-10 mínútna akstursfjarlægð.  

Aqualand

Skemmtilegur vatnsrennibrautargarður ofan við Maspalomas. Fjarlægðin er um 7 km og akstur tekur um 10-15 mínútur. 

Mundo Aborigen

Frumbyggjasafnið er staðsett í um 6 km fjarlægð frá Ensku ströndinni í átt að Fataga. 

Hangar 37

,,Airsoft" leikir á velli með ýmiss konar felustaði og hindranir. Völlurinn er um 8 km frá Ensku ströndinn og tekur um 5-7 mínútur að keyra þangað. 

Angry Birds Garður

Þessi garður er með úrval leiktækja fyrir yngri kynslóðina. Fjarlægðin frá Ensku ströndinni er um 23 km og aksturinn um 15-20 mínútur.