Árshátíðaferð Íslandsbanka á Akranesi til Lissabon vorið 2014

Við hjónin skelltum okkur með góðum hópi frá Íslandsbanka á Akranesi til Lissabon í vor. Við bókuðum í gegnum hópaferðir Vita og fengum virkilega góða þjónustu. Lissabon er algjör draumaborg og er orðin ein af mínum uppáhalds eftir þessa ferð. Allt svo afslappað og fallegt og auðvitað dásamlegt veður allan tímann. Það sem kom á óvart var hin mikla saga borgarinnar en við bókuðum okkur öll í ferð um borgina með fararstjóra daginn eftir að við komum og fengum því fróðlega og skemmtilega sögu beint í æð.Það var farið um borgina í rútu og stoppað á helstu kennileitum og skoðað sig um með leiðsögn. Þetta gaf gott start áður en við reimuðum á okkur strigaskóna og fórum að rölta sjálf um og skoða borgina. Þarna er líka gott að versla og passlega "stór" miðbærin í svoleiðis stórræði. Aðal kvöldið hjá hópnum var planað með aðstoð Vita og þar höfðum við fengið upplýsingar um góða staði sem hinn hefðbundi túristi ratar ekki endilega inná. Við vorum ekki svikin og fengum dýrindismat og frábæra þjónustu. Flott ferð í alla staði! 

Elísabet Ingadóttir, Akranes, október 2014