Adler hotel, Paganella

Hótel Adler er nýlega uppgert hótel í miðbæ Andalo, 100 metra frá aðal skíðakláfnum. Gamalt og gott hótel sem hóf starfsemi sína árið 1956 en var tekið í gegn að utan sem innan árið 2011. Eins og á flestum skíðahótelum bíður Hótel Adler uppá fyrirtaks heilsulind með sauna, heitum potti, ljósabekk og tækjasal. Spa hótelsins er með viðarhúsgögnum.

Á fyrstu hæðinni er gestamóttaka, setustofa, veitingsalur og hótelbarinn. Þar er einnig leikherbergi fyrir börn. Veitingastaður hótelsins býður uppá fjölbreytta matargerð m.a. frá Trentino og klassíska ítalska rétti bæði í hádeginu og á kvöldin. Alla morgna er morgunverðarhlaðborð. Einu sinni í viku er svo lifandi tónlist og skemmtun á hótelinu.Tvær lyftur eru í húsinu og er skíðageymsla með skóhitara í kjallara.

Vita er með samning um „Relax“ herbergi sem taka tvo til þrjá. Inná öllum herbergjum er sjónvarp, sturta, hárþurrka, sími, öryggishólf, smábar og frítt þráðlaust net. Herbergin eru með viðargólfi.