Apartamentos Bajondillo, Torremolinos

Bajondillo hótelið er skemmtilegt, stórt íbúðahótel á frábærum stað við ströndina í Torremolinos og miðbærinn rétt hjá. Allt um kring er mikið mannlíf, veitingastaðir og verslanir.

Á hótelinu eru 622 íbúðir sem skiptast í stúdíóíbúðir, fyrir tvo fullorðna og eitt barn, og íbúðir með einu herbergi sem eru fyrir allt að fjóra fullorðna og eitt barn. Íbúðirnar eru bjartar og snyrtilegar með hvítmálaða veggi og klassískar innréttingar. Í öllum íbúðum er loftkæling, frítt internet, sjónvarp með gervihnattastöðvum, sími og öryggishólf. Allar íbúðirnar eru með eldhús með ísskáp og öllu því helsta sem þarf fyrir einfalda matargerð. Einnig eru þar borðkrókur, setustofa og svalir eða verönd með útihúsgögnum. Á baðherbergjum er baðkar eða sturta og hárþurrka. Allar íbúðir eru með útsýni út á haf.

Á hótelinu er kaffihús/bar þar sem morgunverður er framreiddur á hlaðborði. Einnig er veitingastaður þar sem réttir eru bornar fram utandyra og gestir geta notið matarins og útsýnisins um leið. Síðast en ekki síst er tapas veitingastaður við sundlaugina svo gestum gefast tækifæri til að njóta spænskrar matarmenningar.

Í hótelgarðinum er góð sundlaug, þar eru sólbekkir og sólstólar en einnig er hægt að slaka á í hengirúmum. Gróður er í kringum Ýmislegt er hægt að finna sér til skemmtunar á hótelinu, t.d. er þar bókasafn og leikjaherbergi en einnig er borðtennisborð í garðinum svo hægt er að virkja keppnisskapið aðeins. Nokkur kvöld í viku er skemmtidagskrá í boði en til dæmis er stundum í boði lifandi tónlist eða danssýningar. Á sumrin er sérstök skemmtidagskrá fyrir börn. 

Hótel Bajondillo hefur notið mikilla vinsælda íslendinga s.l. ár enda er staðsetningin frábær