Campiglio Bellavista

Vefsíða hótels

Glæsilegt hótel sem Artini fjölskyldan hefur rekið af alkunnri gestrisni í 40 ár. Hótelið er gegnt Pradalago skíðalyftunni og í göngufæri við aðaltorgið í bænum.
Hótelinu er haldið vel við og árið 2008 var hótelið endurbyggt frá grunni. Allt er fyrsta flokks, bæði híbýli og þjónusta.

Öll herbergi eru með upphituð harðviðargólf, og þar eru gervihnattasjónvarp, þráðlaust internet án endurgjalds, smábar, öryggishólf og svalir.
Á baðherbergi er hárþurrka, sloppur og inniskór.
"Classic" herbergi tekur tvo og ungabarn og "Junior" svítur taka 3 fullorðna. Hægt er að sérpanta "Junior" svítu á tveimur hæðum sem tekur 4.

Í heilsulindinni er gott að láta líða úr sér eftir ævintýri dagsins. Aðgangur er innifalinn. Þar eru nuddpottur, sauna, tyrkneskt bað, og í boði eru nudd og snyrtimeðferðir gegn gjaldi.

Á veitingastaðnum er árstíðabundinn matseðill og mikið lagt upp úr fersku hráefni úr næsta nágrenni.
Maturinn þykir sérlega ljúffengur og í matsalnum stjana þjónar hótelsins við gesti sína. Skíðageymslan er með læsta skápa merkta viðkomandi herbergi.
Fæði: Hálft fæði, morgunverður og kvöldverður. 

Vinsamlegast athugið að þrátt fyrir að hótelið sé með nettengingu, getur sambandið verið slitrótt og óöruggt.
Þeim sem verða að komast á netið, t.d. vegna vinnu er ráðlagt að taka með sér G-4 tengi.
Þetta á við öll hótelin í bænum.

Ferðamannaskattur í Madonna er ekki innifalinn í verði ferðarinnar. Hann greiðist á hóteli við brottför. Skatturinn er 2 Evrur á mann á nótt veturinn 2017 - 2018 á hótel Bellavista. 
Gildir einungis fyrir 15 ára og eldri. 

Fjarlægðir

  • Flugvöllur: 150 km
  • Miðbær: Í göngufæri - 5 mínútur
  • Veitingastaðir: Á hótelinu og í næsta nágrenni

Aðstaða

  • Veitingastaðir
  • Bar
  • Gestamóttaka
  • Heilsulind
  • Lyfta
  • Nettenging
  • Sundlaug: Innisundlaug
  • Herbergi: Tvíbýli og junior svítur fyrir 2 til 4

Vistarverur

  • Sjónvarp
  • Öryggishólf
  • Minibar
  • Hárþurrka

Fæði

  • Hálft fæði