Bungalows Cordial Sandy Golf, Maspalomas

Cordial Sandy Golf eru smáhýsi sem eru staðsett beint á móti Green Golf og eru þau einnig stutt frá Maspalomas golfvellinum. Hótelið er vel útbúið. Húsin eru björt og rúmgóð eru allar íbúðir með lítinn eldhúskrók þar sem má finna ísskáp, brauðrist og kaffivél.  Inn í stofu er sjónvarp, sími og öryggishólf sem þarf að greiða aukalega fyrir. Öll baðherbergi eru með sturtu og hárþurrku. Ath. það er viftuspaði inn í herbergjum en ekki loftkæling. 

Garðurinn er nokkuð stór og skartar góðri sólbaðsaðstöðu, sundlaug, barnalaug og barnaleiksvæði. Þarna er einnig þvottaðstaða (gegn aukagjaldi).
Nettenging er á svæðinu.

Systurhótelið Green Golf er beint á móti en þar má finna litla kjörbúð. Gestir Sandy Golf geta notað þjónustu Green Golf kjósi þeir svo.
Þar er hægt að kaupa morgunmat og hálft fæði. 
Fara þarf niður á strönd eða í miðbæinn eftir verslun og veitingastöðum. Nokkrum sinnum yfir daginn er boðið upp á frían akstur til og frá ströndinni bæði í Maspalomas og til Ensku strandarinnar.

Sundlaugarbarinn á Sandy Golf er opinn frá 11-18 en barinn á Green Golf lengur.