fbpx Courtyard by Marriott

Courtyard by Marriott
4 stars

Vefsíða hótels

Mjög fallegt og þægilegt hótel á frábærum stað í hjarta borgarinnar, 10 - 12 mínútur frá Princes Street og Waverly-lestarstöðinni. Hótelið var opnað árið 2016.

Í hótelinu eru 240 vistarverur sem skiptast í herbergi sem rúma einn eða tvo fullorðna og fjölskylduherbergi sem rúma allt að fjóra. Innréttingar eru nútímalegar en jafnframt hlýlegar, viður er áberandi með ljósum og grænbláum litum. Teppi eru á gólfum. Hér skortir ekkert á nútímaþægindin, alls staðar er ókeypis þráðlaus háhraðanettenging, sími, 32 tommu flatskjársjónvarp með gervihnattarásum, loftkæling og kynding, lítill ísskápur, aðstaða til að laga kaffi og te, straujárn og strauborð. Öryggishólf gegn gjaldi. Á baðherbergi er sturta, hárþurrka og Nirvae Botanicals baðvörur. 

Hægt er að velja um morgunverð af hlaðborði eða aðeins heita rétti eða kalda og þá er sérstakur valkostur fyrir þá sem eru á hraðferð og hafa ekki tíma til að setjast niður. Á veitingastaðnum The Lantern Room er lögð áhersla á bæði staðbundna og alþjóðlega rétti, ávallt úr ferskasta hráefni í boði. Þar er afslappað andrúmsloft og það sama má segja um Lantern barinn og kaffihúsið þar sem hægt er að fá kökur jafnt sem koníak og aðra ljúffenga drykki.
Líkamsræktaraðstaða er í hótelinu, með nýjum tækjum og lóðum.

Gestamóttakan er opin allan sólarhringinn og þar er boðið upp á þvotta- og þurrhreinsiþjónustu og starfsfólk aðstoðar við miðakaup og ferðaupplýsingar. 

Courtyard by Marriott er nýtt hótel á frábærum stað í hjarta Edinborgar. Aðeins tekur 10 – 12 mínútur að ganga að Waverly-lestarstöðinni og það sama gildir um Princes Street verslunargötuna þar sem þekktar verslanakeðjur og sérverslanir standa í röðum. Fjöldi veitingahúsa og bara er í næsta nágrenni við hótelið og auðvelt er að komast með almenningssamgöngum að þeim kennileitum sem ekki eru í göngufæri.  

 

Fjarlægðir

  • Flugvöllur: 15 km
  • Veitingastaðir: Á hóteli og allt um kring
  • Miðbær: 10-12 mínútur frá Princes Street

Aðstaða

  • Veitingastaður
  • Bar
  • Gestamóttaka
  • Herbergi
  • Líkamsrækt
  • Nettenging

Vistarverur

  • Sjónvarp
  • Loftkæling
  • Kaffivél
  • Ísskápur: Lítill
  • Öryggishólf: Gegn gjaldi

Fæði

  • Morgunverður

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun