Grand Aston og Iberostar Varadero

Hægt er að lesa meira um Grand Aston hér
Hægt er að lesa meira um Iberostar Varadero hér

Grand Aston er staðsett í Vedado hverfinu, beint fyrir framan Malecón.Hótelið er splunkunýtt, staðsett í tveimur 25 hæða byggingum og á því eru 600 glæsileg og björt herbergi, öll með loftkælingu, öryggishólfi, kaffivél, minibar, straujárni, strauborði og hárþurrku. Internet er á almennum svæðum sem kostar 5$ fyrir sólarhringinn. Huggulegur sundlaugargarður er á hótelinu með stórkostlegu útsýni yfir Havana flóann.
Heilsulind hótelsins bíður upp á heitan pott, heilsumeðferðir, líkamsræktaraðstöðu og sauna, allt gegn auka gjaldi. Á hótelinu er flottur "lobby" bar sem bíður upp á úrval kokteila og sælkeraveitingastaður með fjölbreytt úrval rétta. Á hótelinu er morgunverður innifalinn.

Iberostar Varadero er frábært 5 stjörnu hótel við ströndina í Varadero með öllu inniföldu.  Á hótelinu eru 386 rúmgóð herbergi í 11 byggingum sem standa umhverfis fallegan sundlaugagarð. Tripadvisor telur þetta hótel það besta í Varadero.Öll herbergi eru rúmgóð og með svölum eða palli.  Í hverju herbergi er einnig loftræsting, gervihnattasjónvarp, geisladiskaspilari, sími, smábar, te og kaffivél, öryggishólf, straujárn og straubretti og  hárblásari á baði. Í garðinum eru 3 frábærar sundlaugar og sundlaugarbar auk góðrar barnalaugar. Líkamsræktaraðstaða er á hótelinu sem og sauna og nuddpottur. Á hótelinu er einnig heilsulind sem býður upp á hinar ýmsu snyrti-, vellíðunar- og heilsumeðferðir gegn gjaldi. Á hótelinu er allt innifalið.