Grand Packard 4 nætur - Iberostar Varadero 3 nætur

Hægt er að lesa meira um Iberostar Grand Packard  hér
Hægt er að lesa meira um Iberostar Varadero hér

Iberostar Grand Packard er glæsilegt  fimm stjörnu hótel staðsett  í Havana við gamla borgarhlutann við breiðgötuna Paseo del Prado og er með glæsilegu útsýni yfir hafnarmynni borgarinnar. Á sjöttu hæð hótelsins er flott sundlaug með sólbaðsaðstöðu, þaðan er stórkostlegt og víðáttumikið útsýni er yfir Havana flóann. Heilsulind hótelsins bíður upp á margs konar heilsumeðferðir, sauna, nudd og upphitaða sundlaug. Á hótelinu eru fjórir barir og á einum þeirra "Salón Goya" píanó barnum er lifandi tónlist, þar er einnig hægt að fá sér snarl allan sólarhringinn. 5 veitingastaðir eru á hótelinu sem bjóða upp á fjölbreytta matargerð með hráefni í hæsta gæðaflokki. Á hótelinu er morgunmatur innifalinn. 

Iberostar Varadero er frábært 5 stjörnu hótel við ströndina í Varadero með öllu inniföldu.  Á hótelinu eru 386 rúmgóð herbergi í 11 byggingum sem standa umhverfis fallegan sundlaugagarð. Tripadvisor telur þetta hótel það besta í Varadero.Öll herbergi eru rúmgóð og með svölum eða palli.  Í hverju herbergi er einnig loftræsting, gervihnattasjónvarp, geisladiskaspilari, sími, smábar, te og kaffivél, öryggishólf, straujárn og straubretti og  hárblásari á baði. Í garðinum eru 3 frábærar sundlaugar og sundlaugarbar auk góðrar barnalaugar. Líkamsræktaraðstaða er á hótelinu sem og sauna og nuddpottur. Á hótelinu er einnig heilsulind sem býður upp á hinar ýmsu snyrti-, vellíðunar- og heilsumeðferðir gegn gjaldi. Á hótelinu er allt innifalið.