Hipocampos íbúðir, Calpe

Hipocampos íbúðir AR hótela eru vel búnar og rúmgóðar íbúðir á frábærum stað við ströndina í Calpe.

Hér eru allar helstu upplýsingar um sóttvarnir og ráðstafanir sem gripið hefur verið til á Hipocampos Calpe. 

Í öllum íbúðum er fullbúið eldhús með eldavél, bakarofni og stórum ísskáp. Íbúðirnar eru jafnframt með loftkælingu, sjónvarp, þráðlaust net, þvottavél og rúmgóðar svalir með húsgögnum og tveimur sólbekkjum. Greiða þarf €150 í tryggingu sem er endurgreidd við brottför.

Í garðinum eru tvær sundlaugar og ein barnalaug. Einnig er upphituð innilaug opin allt árið frá kl. 9:30-19:00 sem er 1m djúp, þar er jafnframt sturta, wc og skiptiherbergi. 

Töluvert af börum, kaffi- og veitingahúsum í nágrenninu og 200 metrar er í matvöruverslun.

Lyklar að íbúðunum eru sóttir í byggingu sem heitir Turmalina u.þ.b. 500-700 metrum frá íbúðunum, þar er opið allan sólarhringinn. Fararstjóri fylgir farþegum að ná í lykla sem hafa bókað akstur til og frá hóteli fyrir brottför.

Hægt er að fá rúmgóðar og vel búnar íbúðir með hliðar sjávarsýn/"side sea view"
Góður kostur fyrir fjölskyldur sem vilja geta eldað og þvegið

Þrif eru ekki innifalin á meðan dvöl stendur, en hægt er að greiða fyrir þrif:
Íbúð með einu svefnherbergi, 26 EUR skiptið.
íbúð með tveimur svefnherbergjum, 38 EUR skiptið.
Íbúð með þremur svefnherbergjum, 50 EUR skiptið.