Sigling um firði Alaska

Celebrity Solstice
15. - 27. ágúst 
Fararstjóri  Lilja Jónsdóttir

Seattle – Bandaríkjunum, Ketchikan, Endicott Arm & Dawes Jökull, Juneau, Skagway og Alaska inside passage – Alaska, Victoria og Vancouver - Kanada  

Stutt ferðalýsing
Flogið með Icelandair beint til Seattle seinnipart 15. ágúst, kl.16:50 lent í Seattle kl. 17:40 að staðartíma. Flugtíminn er 7klst og 40 mín. Ekið á í hótel Crown Plaza þar sem gist er í 3 nætur fyrir siglingu.
18. ágúst er haldið af stað í 7 nátta siglingu um firði og flóa Alaska, farið í land á þremur fallegum stöðum.
25. ágúst er komið aftur til hafnar í Seattle og ekið til Vancouver og eftir 2ja nátta stopp er flogið heim frá Vancouver. Áætluð lending í Keflavík er að morgni 28. ágúst

Celebrity Solstice
Celebrity Solstice var smíðað 2008 en endurnýjað árið 2012. Skipið er 12 hæðir, 122.000 rúm lestir, um 315 metrar á lengd og með rými fyrir 2886 farþega.
Á efsta þilfari er Sveitaklúbburinn The Lawn Club með vel snyrtri grasflöt, sólarlagsbarnum og keilubrautum.
Lido er næst efsta þilfarið með skokkbraut, setustofum, veitingastað og bar, allt með miklu útsýni. Resort þilfarið er með sundlaugum, sundlaugarbar, sólbekkjum og heilsulindinni Aquaspa. Þar eru nuddpottar, gufa, sauna og endalausir mögluleikar á ýmsum dekur- og heilsubætandi meðferðum. Entertainment þilfarið er með veitingastaði, listmunasölur, kaffihús, ísbúðir o.fl.  Á Promenade þilfarinu eru litlar verslanir, vínbarir og spilavíti.
Kvöldverður er borin fram í aðal veitingasal skipsins, sem er á tveimur hæðum. Fleiri veitingastaðir eru um borð eins og Murano sem er með úrval alþjóðlegra rétta á matseðlinum og Tuscan Grille, sem býður ítalska rétti og lúxus steikur.  Silk Harvest er með asískt eldhús. Bóka þarf borð og greiða þjónustugjald á sérrétta veitingastöðum skipsins, gjaldið er frá 20 – 50 usd á mann, fer eftir stöðum.
Barir og seturstofur eru um allt skip og þegar kvölda tekur eru glæsilegar sýningar og uppákomur í leikhúsinu, sem er á þremur hæðum.
Vínspesíallistar frá vínræktarhéruðunum í Napa Valley eru á barnum Cellar Masters og kenna ykkur  að þekkja göfug vín og velja það besta um borð.

Flugtafla

Siglingarleið

Ferðalýsing

Þriðjudagur 15.ágúst. Keflavík – Seattle
Flogið í beinu flug Icelandair til Seattle áætluð brottför er kl. 16:50 og lending kl. 17:40 að staðartíma. Flugið tekur 7 klst og 50 mín. Rúta bíður hópsins á flugvellinum og ekið er á hótel Crown Plaza Seattle Downtown  í miðborg  Seattle, þar sem gist er í þrjár nætur.

Seattle, Washington fylki
Síðan 1980 hefur Seattle verið kölluð Smaragðsborgin - Emerald City - vegna þess hve allt er þar grænt og gróið. Íbúarnir eru um 620 þúsund. Fjölþætt þjóða- og menningarblanda einkennir borgina þar sem saman fer bandarísk og asísk menning í bland við menningu amerískra frumbyggja. Allt með Puget-sund og Ólympskfjöll í bakgrunni. Ekki skemmir að þar er hægt að njóta ferskasta skelfisks við Kyrrahaf og smakka á hinu góða kaffi sem Seattle er rómað fyrir.

Miðvikudagur 16. ágúst. Seattle
Eftir morgunverð er farið í hálfs dags skoðunarferð um borgina, farið er meðal annars í hinn fræga sjónvarpsturn í Seattle „ Space Needle“ þar sem farið er upp og virt fyrir sér hið stórkostlega útsýni. Seinni parturinn er frjáls.

Fimmtudagur 17. ágúst. Seattle
Frjáls dagur í Seattle

Föstudagur 18. ágúst. Seattle – Celabrity Solstice
Um hádegið er ekið niður að höfn þar sem Celebrity Solstice liggur við bryggju og tékkað inn.  Komið er um borð og gott að nýta daginn fram að brottför til að skoða sig um á skipinu fá sér hádegisverð. Solstice siglir af stað kl. 16:00.

Laugardagur 19. ágúst.  Á siglingu
Fararstjóri fer í kynnisferð um skipið til að enginn missi af neinu. Njótið þess að skoða skipið og svo má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð, eða kannski á matreiðslunámskeið, danskennslu eða sækja fyrirlestur. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.

Sunnudagur 20. ágúst. Ketchikan, Alaska
Ketchikan er borg sem er staðsett við suðurendann á Alaska Inside Passage en borgin er aðkomuleið að náttúrulífi og sjávarlífi Misty Fjords National Monument sem er eins konar þjóðgarður. Borgin er fræg fyrir að niðursjóða lax í dósir en hún er miðpunktur veiði og útivistar á svæðinu. Hún er einnig heimabær þriggja ættbálka indjána af norðvesturströndinni svo þarna er frábær staður til að upplifa menningu innfæddra. Hún birtist í litríkum handútskornum tótemsúlum meðfram götum og görðum borgarinnar og í einstakri hönnun á íbúðarhúsum sem standa á „stultum“ í hlíðum Deer Mountain. Ef þig langar að komast nálægt náttúrunni ættir þú að ferðast inn í Tongass þjóðgarðsskóginn sem er sá stærsti í Bandaríkjunum. Þú gætir líka farið að Ketchikan Creek fossi til að njóta útsýnis yfir alla borgina og sjá hvernig laxinn kemur árlega inn á svæðið.

Mánudagur 21. ágúst. Endicott arm & Dawes Jökull, sigling, morgun.
Siglt um þröngan fjörðinn með fjöll og jökla til allra átta.

Mánudagur 21. ágúst. Juneau, Alaska
Það er ekki auðvelt að komast til Juneau, hinnar afskekktu höfuðborgar Alaska, en hægt er að fljúga þangað eða fara sjóleiðina. Ferðalagið er sannarlega þess virði því þarna er stórbrotið útsýni og ríkuleg menningararfleifð hvert sem litið er. Fjöllin gnæfa tignarleg yfir með fallega hvíta toppa, mistrið hangir yfir djúpgrænum regnskógunum, ævintýralegir gríðarstórir jöklar setja svip sinn á svæðið og dýralíf er blómlegt. Borgin er því fullkominn staður til að tengjast náttúrunni. Mount Juneau, fjallið sem borgin fær nafn sitt frá og Mount Roberts, ramma borgina inn og setja fallegan baksvip á bæjarlífið. Í miðbænum eru aldagamlar krár, fallegar litlar búðir og söguleg kennileiti. Þeir ferðamenn sem hafa áhuga á að kanna menningu ættu að skella sér í gamla bæinn og á Alaska State minjasafnið. Þeir sem eru meira fyrir útivist hafa úr fjölmörgu skemmtilegu að velja. Þeir geta farið í hvalaskoðun á Auke Bay höfninni, gengið yfir freðmýrina á Mendenhall jökli eða jafnvel leitað eftir gulli í Last Chance Basin námunni.

Þriðjudagur 22 . ágúst.  Skagway, Alaska
Skagway í Alaska er í suðausturhluta  Alaska rétt við Inside Passage, þar sem siglt er í gegn á siglingu um firiði Alaska. Skagway er þekkt fyrir byggingar frá gullæðis tímanum sem er hluti af Klondike Gold Rush þjóðsögu garðinum. Skagway hefur einnig verið notaður sem sögusvið margra bóka og kvikmynda. Bærinn er skemmtilegur ekta smábær í Alaska og gaman að skoða, þó er einng hægt að fara út fyrir bæinn, þar sem örstutt er í náttúruna. 

Þriðjudagur 22. ágúst. Inside passage, sigling
Siglt til baka um þessa undurfögru firði á leið aftur til Vancouver.

Miðvikudagur 23. ágúst. Á siglingu 
Heill dagur til að njóta lífsins um borð í skipinu, sem nú siglir nú til Seattle. Njótið þess að skoða skipið, leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð - eða kannski á matreiðslunámskeið, danskennslu eða sækja fyrirlestur.

Fimmtudagur  24. ágúst. Victoria, Bresku Columbíu.
Victoria stendur á suðurodda Vancouver-eyjar og er líklega þekktust fyrir milt loftslag og mikla útilífsiðkan íbúanna. Í reynd hefur borgin oftar en einu sinni verið tilnefnd „frískasta borg“ í Kanada. Hún er höfuðstaður í Bresku Kólumbíu og afar „ferðamannavæn“ borg.  Heimsfrægir garðar eru einn helsti ferðamannsegullinn, auk 150 ára sögu og  veitingastaða og verslana í fremstu röð.

Föstudagur 25. ágúst. Seattle - Vancouver
Komið í land í Seattle.  Ekið sem leið liggur til Vancouver og tekur aksturinn um 2 og hálfa klukkustund. þegar komið er til Vancouver er tekkað inn á Coast Coal Harbour Vancouver Hotel  og gist þar í tvær nætur. Seinni partinn er farið í gönguferð um miðborgina í Vancouver.

Laugardagur 26. ágúst. Vancouver 
Eftir morgunverð er farið í skoðunarferð um borgina 

Sunnudagur 27. ágúst Heimferð
Flogið seinnipartinn heim til Keflavíkur flugið er áætlað kl. 15:35 og lending í Keflavík er 06:00 að morgni 28. ágúst.  Áætlaður flugtími er 7 klst og 25 mín.