Hagnýtar Upplýsingar

FYRIR BROTTFÖR:

Vegabréf – Vegabréfsáritun

Nauðsynlegt er að hafa rafræn vegabréf sem eru í gildi a.m.k. 6 mánuði eftir heimkomu.
VITA þarf að setja vegabréfsnúmer allra, ásamt útgáfudegi og gildistíma inn í flugbókun áður en hægt er að gefa út farseðla.

Minnum á að allir sem bóka þurfa að skila inn vegabréfsnúmerum til VITA.
Nafn farþega  – vegabréfsnúmer – ríkisfang – gildistími vegabréfs.
Hægt að hringja í söludeild í síma 5050100 eða senda upplýsingar með tölvupósti á [email protected].

ESTA – Visa Waiver

Flogið er um Bandaríkin og þurfa allir að vera með ESTA - Visa Waiver. Þetta er undanþága frá vegabréfsáritun og er sótt um hér  í gegn um vef Icelandair. Hafa þarf greiðslukort við hönd þegar greitt er, en hver umsókn kostar 21 dollara, eða um 3000 krónur. Estað gildir í 2 ár og því þarf aðeins að uppfæra upplýsingar ef ferðast er aftur til Bandaríkjanna innan 2ja ára. Athugið að hægt er að sækja um ESTA á öðrum síðum en Icelandair en það getur verið mun dýrarara.

Upplýsingar sem þurfa að koma fram eru:
Vegabréfsnúmer, fæðingardagur og ár og aðrar upplýsingar úr vegabréfi eins og útgáfudagur, útgáfustaður og gildistími.

Vegabréfsáritun til Ástralíu.
VITA sækir um vegabréfsáritun til Ástralíu og kostar hún u.þ.b.3.000 kr.

Vegabréfsáritun til Nýja Sjálands 
Nú þarf einnig vegabréfsáritun til Nýja Sjálands síðan 1. október 2019. VITA sækir einnig um þessa áritun, sem kostar  um 9.000 kr. (Usd 69).

Um skipið

Merking farangurs/innritun og afgreiðsla um borð

Merkið töskurnar á hefðbundinn hátt með heimilisfangi á Íslandi. Áður en farið er frá hóteli að skipi merkja allir töskurnar sínar með sérstökum miða með nafni, heimilisfangi, klefanúmeri á skipinu og brottfarardegi skipsins. Miðarnir fylgja ferðagögnum og límast um handfang ferðatösku (svipað og flugfélög nota). Við innritun þarf að hafa tilbúin ferðagögn, vegabréf og kreditkort. Skipafélagið tekur afrit af kreditkorti. Vikapiltar taka við töskum við skipshlið og fara með að dyrum klefans en hver og einn gætir síns handfarangurs. Eftir að töskur hafa verið afhentar við skipshlið, ganga farþegar inn í afgreiðslusal og þurfa að hafa alla pappíra útfyllta, sem fylgja ferðagögnum frá skipafélaginu. Við innritun í skipið fá farþegar afhent lykilkort. Á kortinu kemur fram klefanúmer og upplýsingar um sæti og veitingasal o.fl.

Peningar

Ekki eru notaðir peningar um borð. Fyrir drykki og annað, sem verslað er um borð er kvittað fyrir, en verslað er með svokölluðu „sail and sign“ korti. Haldið afritum til haga. Við innritun gera farþegar grein fyrir hvernig skal greitt (sjá meðfylgjandi eyðublað í ferðagögnum). Einfaldast er að nota greiðslukort, en þá fer uppgjör þannig fram að síðasta kvöldið kemur reikningur með frumriti af öllum sölunótum og kvittun fyrir úttekt á greiðslukortinu inn í káetu farþega. Ef eitthvað þarf að leiðrétta, er það gert hjá gjaldkera strax næsta morgun – áður en farið er frá borði. Einnig er hægt að greiða með peningum hjá gjaldkera skipsins í lok ferðar.
Athugið að 20% þjónustugjald leggst á reikninginn, sem er í USD og gera þarf upp reikninginn lokakvöldið, áður en komið er til síðustu hafnar.

Lokakvöld siglingar eru töskur settar fram á gang, nema handfarangur. Töskur þurfa að vera komnar fram fyrir kl. 22:00. Sérstök merkispjöld verða afhent farþegum til að setja á töskurnar. Vikapiltar sjá um að bera töskur frá skipi.

Þjórfé

Þjórfé til eftirfarandi aðila er innifalið í verði (búið að greiða fyrir hópinn): Yfirþjónn í matsal, þjónar sem þjóna ykkur til borðs í matsalnum og herbergisþjónar.

Klefar

Í öllum klefum er setkrókur, baðherbergi, sófi og snyrtiborð, hárþurrka, ísskápur og sjónvarp. Rafmagn er 110 og 220 volt.

Fréttabréf – Celebrity Today

Kemur í klefann á hverju kvöldi með ýmsum hagnýtum upplýsingum s.s. dagskrá dagsins, komu- og brottfarartíma, upplýsingar um áfangastað, klæðnað dagsins og ýmislegt fleira.

Klæðnaður

Evening Chic"
Kemur í staðinn fyrir "Formal" kvöld, sem eru hætt.
Dömur: Pils, stuttur kjóll, samkvæmisbuxur eða fínar, sparilegar gallabuxur 
Herrar:  Síðbuxur eða sparilegar fínar gallabuxur, skyrta, peysa, sportlegur jakki eða "blazer" jakki

„Smart Casual"
Dömur: Pils eða kjóll, síðbuxur eða gallabuxur og toppur eða blússa. 
Herrar: Síðbuxur, gallabuxur með síðerma sportlegri skyrtu. 

Hvað er innifalið um borð?

Innifalið:

Fullt fæði, drykkir og afþreying um borð
Internet 
Þjórfé eins og fram hefur komið

Ekki innifalið:

Ferðir á áfangastöðum í landi
Vörur í verslunum
Sérstök þjónusta, s.s. nudd, hárgreiðsla o.fl. í heilsulindinni

Á öllum skipum Celebrity Cruises eru sérstakir veitingastaðir þar sem gestir þurfa að panta borð fyrirfram og greiða þjónustugjald. Samkvæmisklæðnaður (formal) er áskilinn á þessum veitingastað.

Önnur þjónusta um borð

Þvottur og hreinsun  - gegn gjaldi
Hraðbankar
Herbergisþjónusta - Opin allan sólarhringinn.

Máltíðir

Í fréttabréfi skipsins er auglýst hvar og hvenær matur er borinn fram, en aðalmáltíðir eru þrjár; morgun-, hádegis- og kvöldverður. Að auki er hægt að fá árbít eldsnemma og eftirmiðdagskaffi er til reiðu síðdegis. Á kvöldin er sætaskipan ákveðin fyrirfram og gengur hver að sínu borði öll kvöld. Í þessari ferð er kvöldverður kl. 20:30.

Læknisþjónusta

Um borð í skipinu er læknir og hjúkrunarfræðingur. Þurfi einhver á slíkri þjónustu að halda skal athuga að taka kvittanir fyrir útlögðum kostnaði, til að fá endurgreiddan af tryggingum. Athugið að þar sem um einkarekna læknisþjónustu er að ræða um borð endurgreiðir Tryggingastofnun ríkisins ekki lækniskostnað, einungis kortatryggingar. Athugið þó vel skilmála kortafyrirtækjanna.

Öryggishólf

Öllum er ráðlagt að nota öryggishólf um borð.

Verð og innifalið

Miðað við tvo í ytri klefa með svölum.
Verðflokkur V1 Veranda
1.397.800 kr.
Aukagjald fyrir einbýli: 786.000 kr.

----------------------------------------------------------

Miðað við tvo í ytri klefa með svölum.
Verðflokkur C1 Concierge Class. Concierge Class fylgir flýti innritun og afhending á farangri, Létt snarl daglega í klefa og freyðivín í káetu, baðsloppar og skóburstun.  
Verð á mann 1.446.500 kr.-
Aukagjald fyrir einbýli: 838.000 kr.

INNIFALIÐ Í VERÐI FERÐAR:

• Flug til Seattle og áfram til Honolulu á Hawaii og til baka frá Sydney um Dubai til Keflavíkur.
• Gisting á 4ra stjörnu hótelum. Ein nótt í Seattle, Fjórar nætur í Honolulu, þrjár nætur í Sydney og þrjár nætur í Dubai
• Morgunverður á hótelum
• Skemmtisigling í 18 nætur með fullu fæði, drykkjum og afþreyingu um borð
• Þjórfé um borð í Celebrity Solstice
• Allar ferðir milli flugvalla, hótela og skips
• Skoðunarferðir í Honolulu, Sydney og Dubaí 
• Íslensk fararstjórn

EKKI INNIFALIÐ:

• Skoðunarferðir á áfangastöðum skipsins.
• Þjórfé í skoðunarferðum til rútubílstjóra og innlendra leiðsögumanna.
• Annað, sem ekki er talið upp í ferðalýsingu.

--------------------------------------------------------------------------------
ATH. Lágmarksþátttaka í þessa ferð er 20 manns. Við áskiljum okkur rétt til að fella ferðina niður náist sú þátttaka ekki - en lágmarksþátttöku hefur verið náð.

Skoðunarferðir

SKOÐUNARFERÐIR  - valkvæðar

29. September. Honolulu, Hawaii.
Parqadísarvík Luau.
Skemmtileg kvöldskemmtum með hefðbundnu sniði hjá Hawaingum, tónlistar og dansveisla eins og frumbyggjarnir skemmta sér. Undir stjörnubjörtum himni kynna þeir pólýnesískri arfleifð með hrífandi sýningu. Þetta er ekta skemmtun í anda Aloha.

Lengd ferðar: U.þ.b. 4 klst.  
Verð: 26.900 kr.
Innifalið: Akstur, aðgangseyrir, kvöldverður,skemmtun, innlend og  íslensk fararstjórn.

Mánudagur 7. október- Moorea, Frönsku Pólýnesíu
Skipið er í höfn kl. 08:00 - 20:00
Siglt um Moorea lón með lautarferð
Siglingin gerir okkur kleift að virða fyrir okkur ótrúlegt útsýnið um Moorea fjallendið og gróðurinn frá vatninu. Lautarferð í hólma og einnig hægt að dýfa tánum í vatnið og fylgjas með ótrúlegu lífinu í vatninu.
Hádegisverður, grillmatur salöt, ávextir og drykkir.

Lengd ferðar: U.þ.b. 4.5 klst.   
Verð: 19.800
Innifalið: Akstur, aðgangseyrir, hádegisverður og  íslensk fararstjórn.

Þriðjudagur 8. október -  Papeete, Tahítí.
Skipið er í höfn kl. 07:00 - 19:00
Hringferð.
Farið er vítt og breitt um Tahiti. Fararstjórinn fer á áhugaverða staði og heimsóttir eru fjöldi sögulegra, menningalegra og náttúrulegra kennileita á eyjunni. Farið er meðal annars að skoða Taharaa Scenic Point, Venus Point, Faarumai fossa við austurströndina. Eftir hádegisverð er komið við í suðrænum görðum Vaipahi, Arahurahu „marae“ og Tahiti & Islands Islands.

Lengd ferðar: U.þ.b. 4 klst.  
Verð: 19.000 kr.
Innifalið: Akstur, aðgangseyrir, hádegisverður og  íslensk fararstjórn.

Miðvikuagur 9. Október Raiatea
Skipið er í höfn kl. 07:00 - 18:00
Kórallar, Vanilla og Perlur
Siglt frá Raiatea til Tahaa, hópurinn sóttur við skipshlið og siglt yfir til litlu eyjunnar Tahaa.. sem er innan saman coral rifsins. Síðan er ekið um eyjuna á  4x4 jeppum, farið á vanillu akur, perlu og Romm  framleiðslu.  Komið í Coral garden og boðið upp á að snorkla og svamla í sjónum.

Lengd ferðar: dagsferð 
Verð: 20.500 kr
Innifalið: Akstur, aðgangseyrir, hádegisverður, innlend og  íslensk fararstjórn.

Þriðjudagur 15. október – Auckland, Nýja Sjálandi
Borg og bær
Það er yndislegt að komast út úr Auckland og fá að upplifa landsbyggðarlíf Nýja-Sjálands. Í Sheep World er ýmislegt áhugavert að sjá t.d. er hægt að fylgjast með rúningi og hvernig smalahundar ná stjórn á sauðfénu. Hægt er að kaupa sér minjagripi úr ull og halda svo á Puhoi Pub. Þessi líflegi og heillandi bar var stofnaður árið 1879 og er því hluti af viktorískri menningararfleifð. Þar er boðið upp á síðdegiste og bragðgott snarl. Á leiðinni til baka er ekið framhjá ýmsum áhugaverðum svæðum eins og elsta garði borgarinnar Auckland Domain og elsta úthverfi borgarinnar, Parnell Village.

Lengd ferðar: U.þ.b. 4 klst.
Verð: 24.500 kr.

Innifalið: Akstur, íslensk fararstjórn og aðgangseyrir

Miðvikudagur 16. október  - Bay of Islands, Nýja Sjálandi
Hellar með glóandi ormum og Kauri skógur 
Í þessari ferð færðu tækifæri til að kanna náttúru Nýja-Sjálands og uppgötva magnaða neðanjarðarleyndardóma. Í Puketi skógi fyllist þú aðdáun yfir stærð og umfangi hinna fornu Kauri trjáa sem hafa staðið þar í þúsundir ára. Næst er haldið á dulúðlegri slóðir og farið ofan í Kawiti hella. Þar er hægt að dást að hrífandi bergmyndunum og þúsundir glóandi orma lýsa upp svæðið. Nauðsynlegt er að hafa hljótt því annars slökkva þessar viðkvæmu verur ljósið.

Lengd ferðar: U.þ.b. 4 klst.
Verð: 28.500 kr.
Innifalið: Akstur, íslensk fararstjórn og aðgangseyrir

Innifaldar skoðunarferðir í þessari siglingu eru.

28. September  Honolulu, Havaii
Þá er óhætt að mæla með því að skoða Pearl Harbor-safnið og minnisvarðann um USS Arizona. uss
Skoðunarferð um Honolulu þar sem farið er meðal annars í Pearl Harbour safnið "World of War II", en þar er m.a. minnisvarðinn um USS Arizona. Hádegisverður.

19. október  Sydney, Ástralíu.
Eftir morgunmat í skipinu er farið frá borði og farið beint í skoðunarferð um Sydney. Sydney er lifandi heimsborg sem stendur við eina af fallegustu höfnum í heimi. Í Rocks, einu elsta hverfi borgarinnar, eru fallegar byggingar í nýlendustíl og steinlögð stræti. Mrs Macquarie’s Chair er bekkur sem höggvinn var í klett snemma á 19. öld fyrir eiginkonu hins framsýna nýlendulandstjóra, Lachlan Macquarie. Þaðan er hægt að njóta útsýnis yfir hafið og helstu kennileiti Sydney, Harbour Bridge og óperuhúsið fræga. Í austurhluta borgarinnar eru nútímaleg úthverfi sem þekkt eru fyrir glæsileg heimili og hafnir

20. október  Sydney - Blue Mountains og í Featherdale Wildlife park
Heils dags ferð í Blue Mountains og í Featherdale Wildlife park. Featherdale dýragarðurinn er með yfir 1700 tegundir af dýrum öllum áströlsku dýrunum eins og kengúrum, kóalabjörnum, krókódílum svo eitthvað sé nefnt. Bláu fjöllin eða Blue Mountains er undurfagurt skógi vaxið fjalllendi með skemmtilegum tindum farið er t.d. í kláf til að njóta sem best það sem fyrir augu ber.

21. október Sydney Óperuhúsið og sigling
Farið í Óperuhúsið í Sydney þar sem við fáum 45 mínútur til að skoða þetta fræga óperuhús. Dagurinn endar á að siglt um flóann og höfnina. Í siglingunni er boðið upp á matarhlaðborð.

23. október Dubai. Borgarferð
Eftir hádegið er farið í hálfs dags skoðunarferð um Dubai. Meðal annars er farið í gamla hlutanum munum við keyra í gegnum Bastakiya hverfið sem er þekkt fyrir aldargamlan arkitektúr og borgarskipulag. Við munum sigla yfir Dúbaí ána á báti og labba um og heimsækja framandi kryddmarkaðinn en þar má finna þúsundir kryddtegunda, enda koma mörg dýrustu krydd heimsins frá þessum slóðum eins og saffran. Einnig munum við labba í gegnum gullmarkaðinn þar sem gull og fleira er til sölu og sjá má stærsta gullhring í heimi. Það er ekki hægt að skoða Dúbaí öðruvísi en að kíkja inn í eina af mörgum glæsilegu verslunarmiðstöðvunum sem þar má finna, en ferðin endar í  Dubai Mall sem er talað um sem stærstu og flottustu verslunarmiðstöð í heimi og þar má finna yfir 1200 verslanir, risastórt fiskabúr, skautasvell, dansandi gosbrunna og ýmislegt fleira. Við hliðina stendur svo stærsta bygging í heimi sem er hinn fallegi og tignarlegi Burj Khalifa turninn og munu þeir sem vilja fara upp og virða fyrir sér stórkostlegt útsýni til allra átta þaðan yfir stórborgina Dúbaí.  

24. október – Eyðimerkurferð BBQ með meiru.
Fyrripartur dagsins frjáls en um miðjan dag er farið í eyðimerkurferð og grill.
Ferðin byrjar um miðjan dag á ógleymanlegri keyrslu á fjórhjóladrifnum bílum yfir hinar stórkostlegu sandöldur í eyðimörkinni. Við heimsækjum úlfaldabú og einnig er myndastopp í eyðimörkinni og upplifum við eftirminnilegt sólsetur í þessu framandi umhverfi. Keyrt er að arabískum tjaldbúðum þar sem borðaður verður kvöldverður undir stjörnubjörtum himni. Meðan kveikt er undir kolaeldinum til að undirbúa grillmáltíðina er tími til að fá sér henna húðflúr, máta arabískan fatnað, halda á fálka eða skella sér í ævintýralega úlfaldaferð. Hápunktur kvöldsins er svo Tannoura danssýning og framandi magadans í takt við arabíska tónlist meðan við gæðum okkar á fjölbreyttu grilluðu kjöti og meðlæti. Eftir kvöldmatinn er keyrt til baka á hótelin.