Jurys Inn Hotel

Fyrirtaks 3ja stjörnu hótel  steinsnar frá Royal Mile og lestarstöðinni Waverly Station í hjarta Edinborgar. Um fimm mínútur tekur að ganga að bestu verslunargötu Edinborgar, Princes Street. Góður kostur á fínu verði og stutt að fara í búðir, á veitingastaði  og á helstu ferðamannastaði.

Á hótelinu er gestamóttaka með aðgangi að interneti, góðri setustofu og skemmtilegum skoskum  pöbb, þar sem hægt er að fá ýmsar veitingar. Verslanir, barir og stór verslunarhús eru í göngufæri , en hótelið er 2 mínútur frá hinni sögufrægu götu Royal Mile, en þaðan liggur leiðin upp í Edinborgarkastala.

Aðrir ferðamannastaðir borgarinnar eins og George Street, krárnar í Rose Street og næturlífið í Grassmarket hverfinu er alltsaman í göngufæri.

Á hótel Jurys Inn eru 186 herbergi. Þau eru rúmgóð og smekklega innréttuð og rúma 3 fullorðna. Öll herbergin eru með síma, sjónvarpi,  hárþurrku og bakka með hraðsuðukönnu, te og kaffi.