Luabay Costa Adeje

Gott og nýlega endurnýjað hótel á frábærum stað á Costa Adeje. Spottakorn frá ströndinni, verslunum og þjónustu.

Herbergin eru nýtískuleg og björt. Meðal útbúnaðar sem finna má í herbergjum er  loftkæling, flatskjár, hárþurrka, öryggishólf, minibar, sími auk svala eða verandar.

Hægt er að velja um að vera með hálft fæði eða "allt innifalið".

Garðurinn er einstaklega skemmtilegur með þrem sundlaugum, barnalaug og góðri sólbaðsaðstöðu. Frá sundlaugargarðinum og flestum svölum er fallegt útsýni yfir ströndina. Hægt er að fá strandhandklæði meðan á dvöl stendur og greiða farþegar 15 EUR í tryggingu sem þeir fá endurgreidda þegar handklæðinu er skilað.

Á hótelinu er heilsurækt, heilsulind og tennisvöllur. Gott hótel og einstaklega vel staðsett.