Lumen hotel

Lumen hotel & the Lisbon Light Show er fjögurra stjörnu hótel staðsett á góðum stað í borginni. Eins og nafnið kemur til kynna þá býður hótelið uppá stórkostlega ljósasýningu á hverjum degi í garði hótelsins þar sem hótelgestir geta horft á samspil birtu, ljósa og litadýrðar sem skreytir umhverfið.

Á hótelinu er mjög góð aðstaða en þarna er móttaka, veitingastaður, bar og líkamsræktaraðstaða. Upp á þaki hótelsins er verönd en þangað er hægt að fara til þess að njóta útsýnisins, kæla sig í sundlauginni eða njóta sólargeislanna á sólbekkjum eða við útibarinn. 

Herbergin eru fallega búin og hafa að geyma öll þau nútímaþægindi sem við þekkjum, eins og sjónvarp, síma, öryggishólf, þráðlaust internet, minibar, te - og kaffivél. Baðherbergi eru með hárþurrku og helstu snyrtivörum.