O Callaghan Mont Clare Hotel

Vefsíða hótels

Hlýlegt og þægilegt hótel á frábærum stað í hjarta Dublin. Hótelið stendur við Merrion-torg og helstu söfn, verslunargötur og veitingastaðir eru í léttu göngufæri. 

Í hótelinu eru 84 vistarverur sem skiptast í 66 rúmgóð herbergi og 8 svítur fyrir tvo einstaklinga. Innréttingar eru í klassískum stíl, úr dökkum við með vínrauðu áklæði. Teppi er á gólfum. Sjálfsögð þægindi eins og stillanleg loftkæling og upphitun, flatskjársjónvarp með gervihnattarásum, sími, öryggishólf, aðstaða til að laga kaffi og te og buxnapressa eru í öllum vistarverum. Gestum býðst þráðlaus nettenging að kostnaðarlausu. Á baðherbergjum er hárþurrka og ókeypis baðvörur.

Morgunverðarhlaðborð er borið fram á veitingastaðnum Goldsmith's þar sem veggir eru viðarklæddir og sjarmerandi írskur andi svífur yfir vötnum. Á kvöldin er boðið upp á evrópska matargerð undir írskum áhrifum með áherslu á ferskt hráefni úr nágrenninu. Á Oscar's Bar & Kitchen er andrúmsloftið afslappaðra og valið stendur um allt frá samlokum og hamborgurum upp í dýrindis fiskrétti, auk úrvals allra handa drykkja.

Gestum býðst að nota líkamsræktaraðstöðu allan sólarhringinn á systurhóteli Mont Clare, hinum megin við götuna. Starfsfólk gestamóttöku veitir upplýsingar um skemmtilegar hlaupaleiðir í nágrenninu.
Móttakan er opin allan sólarhringinn og þar er töskugeymsla og boðið er upp á þvottaþjónustu og þurrhreinsun. Funda- og veisluaðstaða er í hótelinu.

O'Callaghan Mont Clare er einfaldur og þægilegur kostur fyrir þá sem leggja áherslu á frábæra staðsetningu í hjarta Dublin. 
Örstutt er í almenningssamgöngur. 

Fjarlægðir

  • Flugvöllur: 15 km
  • Miðbær: Í miðbænum
  • Veitingastaðir: Á hóteli og allt um kring

Aðstaða

  • Veitingastaðir
  • Bar
  • Gestamóttaka
  • Herbergi
  • Nettenging

Vistarverur

  • Sjónvarp
  • Öryggishólf
  • Loftkæling
  • Kaffivél
  • Hárþurrka
  • Herbergi

Fæði

  • Morgunverður

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun