Oswald

Vefsíða hótels

Glæsilegt fjögurra stjörnu hótel sem hefur notið mikilla vinsælda hjá Íslendingum síðustu ár. Hótelið er stórt og tilkomumikið og allur aðbúnaður er fyrsta flokks.  Hótel Oswald er við aðalgötuna í Selva.

Tveggja manna herbergin eru "Superior" herbergi og rúma 2-4 gesti. Þau eru 30 - 40 m2, fallega innréttuð með setkrók, smábar, sjónvarpi, síma, öryggishólfi, hárþurrku og svölum. Aðgangur að interneti er án endurgjalds.

Hótelið er staðsett um 500 metra frá Champinoi skíðakláfnum og svo er hótelið með lítla skíðarútu sem gestir geta tekið í lyftuna, en þá þjónustu þarf að panta fyrirfram. Verslanir má finna handan götunnar og allt um kring og skíðarútan stoppar fyrir framan hótelið á nokkurra mínútna fresti.

Veitingasalur hótelsins er sérstaklega glæsilegur, en stutt er síðan hann var endurnýjaður og ávallt er lagður ríkur metnaður að bjóða eingöngu fyrsta flokks mat.

Á hótelinu er glæsileg heilsulind þar sem hægt er að komast í gufuböð, nuddpott, ilmbað, ljósabekki og ýmislegt fleira. Þá er boðið upp á ýmsar vellíðunar- og slökunarmeðferðir gegn gjaldi. Á hótelinu er einnig lítið leikherbergi fyrir yngstu kynslóðina. Innifalið er hálft fæði, þ.e. morgunverður og kvöldverður.

Vinsamlegast athugið að þrátt fyrir að hótelið sé með nettengingu, getur sambandið verið slitrótt og óöruggt.
Þeim sem verða að komast á netið, t.d. vegna vinnu er ráðlagt að taka með sér G-4 tengi.
Þetta á við öll hótelin í bænum.

Ferðamannaskattur í Selva er ekki innifalinn í gistiverði. Hann greiðist beint á hótel í ferðalok. Skatturinn er um 2 - 3 Evrur á mann á nótt veturinn 2017 - 2018. 
Gildir aðeins fyrir 15 ára og eldri. 

Fjarlægðir

  • Flugvöllur: 192 km
  • Miðbær: Í miðbænum
  • Skíðalyfta: 500 m - skutla frá Hóteli
  • Veitingastaðir: Á hótelinu og í næsta nágrenni

Aðstaða

  • Veitingastaðir
  • Bar
  • Gestamóttaka
  • Heilsulind
  • Herbergi
  • Líkamsrækt
  • Lyfta
  • Nettenging: Þráðlaus nettenging án endurgjalds er á sameiginlegum svæðum og í herbergjum

Vistarverur

  • Sjónvarp
  • Öryggishólf
  • Ísskápur
  • Verönd/svalir
  • Hárþurrka

Fæði

  • Hálft fæði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun