Porto Platanias Beach Resort and Spa, Platanias

Vefsíða hótels

Mjög gott hótel á frábærum stað við miðbæinn og ströndina í Platanias. Herbergi og fjölskylduherbergi og hægt að velja um hálft fæði eða hafa "allt innifalið".
Herbergi fyrir tvo og herbergi á tveimur hæðum "Maisonette" sem tekur fjóra. Í þeim er loftkæling, gervihnattasjónvarp, þráðlaust internet gegn gjaldi, ísskápur (smábar ef óskað er), öryggishólf og svalir. Á marmarabaðherbergjum eru baðkar með sturtu, baðsloppar, inniskór og hárþurrka.

Í garðinum eru fimm laugar, en auk þess er hótelið við góða strönd, þar sem eru sólstólar og -hlífar. Fyrir börnin eru barnalaug, leiksvæði og klúbbur með dagskrá fyrir 5-12 ára. Ein laugin í garðinum er ætluð eingöngu fyrir fullorðna.

Í heilsulindinni eru upphituð laug, nuddpottur, sauna og gufubað. Þar er hægt að fá fjölda snyrti-, vellíðunar- og heilsumeðferða. Einnig góð líkamsrækt.

Fjórir veitingastaðir, þar af einn með hlaðborð í morgun-, hádegis- og kvöldverð. Fimm barir; við móttökuna, tveir í sundlaugargarðinum, við ströndina og á þaki hótelsins.

Þráðlaust internet án endurgjalds í móttöku og á börum. Lítil verslun.

Hótelið útvegar sundlaugar-/strand handklæði fyrir þá sem óska gegn tryggingu sem er endurgreidd þegar handklæðum er skilað.

Fjarlægðir

  • Flugvöllur: 29 km - 30 - 40 mín akstur
  • Strönd: Við ströndina
  • Veitingastaðir: Á hóteli og allt um kring
  • Miðbær: Í miðbæ Platanias - 10 km til Chania

Aðstaða

  • Sundlaug
  • Skemmtidagskrá
  • Veitingastaðir
  • Bar
  • Barnadagskrá
  • Barnaleiksvæði
  • Barnasundlaug
  • Gestamóttaka
  • Heilsulind
  • Líkamsrækt
  • Lyfta
  • Nettenging

Vistarverur

  • Sjónvarp
  • Loftkæling
  • Verönd/svalir
  • Hárþurrka

Fæði

  • Allt innifalið
  • Hálft fæði