Radisson Blu Elizabete, Riga

Glæsilegt 4ra stjörnu hótel á 8 hæðum, 228 herbergi, sem opnaði árið 2008. Hótelið er  einstaklega fallegt og er byggingin öll klædd með glerplötum þar sem vitnað er í gamlar lettneskar þjóðvísur.  Hótelið er frábærlega vel staðsett um 10 mín gang frá gamla bænum.

Gengið er inn í bjarta gestamóttöku og áfram inná fallegan og nýtískulegan bar.  Gegnt barnum er veitingasalur, en innaf barnum er setustofa og þaðan bjartur og fallegur morgunverðarsalur. Á sumrin þegar veður er gott er setið úti í bakgarði hótelsins.

Á hótelinu er tækjasalur, en gestir geta notað ESPA heilsulindina á hótel Raidsson Blu Latvia, en að sjálfsögðu gegn gjaldi. Við hliðina á inngangi hótelsins er hraðbanki.

Herbergi eru ágætlega rúmgóð, öll nútímaleg og í fallegum litum.  Falleg flísalögð baðherbergi ýmist með sturtu eða baði.  Þau eru öll loftkæld (upphituð) og með síma, flatskjá, smábar, hárþurrku,te, kaffi og öryggishólfi án endurgjalds. Frítt, þráðlaust net er á öllu hótelinu.