Rey Carlos, Playa del Inglés

Hér eru allar helstu upplýsingar um sóttvarnir og ráðstafanir sem gripið hefur verið til á Rey Carlos:

• Gestir og starfsfólk verða að virða sóttvarnarreglur á svæðinu, spritta sig og halda eins meters fjarlægðarreglu. Spritt er víðsvegar um hótelið.
• Starfsfólk notar grímu og hanska þegar við á.
• Herbergin eru þrifin skv sóttvarnarreglum.

Rey Carlos er einfalt og þægilegt íbúðahótel á frábærum stað á Ensku ströndinni. Nokkurra mínútna gangur á ströndina. Fjöldi veitingastaða og verslana er í götunum í kring. 
VITA hefur eingöngu verið með superior íbúðirnar yfir vetrarmánuði sem eru uppgerðar.

Í hótelinu eru 160 snyrtilegar íbúðir og herbergi með einu svefnherbergi sem rúma frá einum og upp í þrjá einstaklinga. 
Í íbúðunum eru tvær rafmagnshellur, pottur og steikarpanna. Engin ofn er í eldhúsinu. Borðbúnaður miðast við þrjá í íbúð. Einnig er kaffivél, lítill kælir og þráðlaus net- tenging, en greiða þarf fyrir afnot af henni.
Allar íbúðir eru með síma og sjónvarp með gervihnattarásum. Gjald er tekið fyrir fjarstýringu á sjónvarpi sem er skilað í lok dvalar. 
Loftkæling er yfir sumarmánuðina. 
Í herbergjum er aðeins einfaldari aðstaða en þar er kaffivél og lítill kælir. 
Hægt er að leigja öryggishólf. Á baðherbergi er sturta. Við allar vistarverur eru svalir, búnar húsgögnum.
Íbúðirnar eru þrifnar 5 x í viku, alla virka daga.   

Veitingastaðurinn á hótelinu býður upp á heita og kalda rétti af hlaðborði.
Ágætir barir eru á hótelinu.

Sundlaug með sérsvæði fyrir börnin og nuddpottur eru í hótelgarðinum. Sólbekkir og sólhlífar eru allt um kring. Á eyju í sundlauginni er Robinson-barinn og þar er í boði úrval kokteila og allra handa svalandi drykkja.
Gestamóttakan er opin allan sólarhringinn og boðið er upp á þvotta-, þurrhreinsi og strauþjónustu. Einnig eru hárgreiðslu- og snyrtistofa auk hjólaleigu. 

Rey Carlos er í hjarta Ensku strandarinnar. Veitingastaðir og verslanir eru í götunum í kring og nokkrar mínútna gangur er í Yumbo verslunarmiðstöðina. 
Þar að auki er stutt í ýmiss konar afþreyingu, vatnasport af öllu tagi, tennis- og golfvelli, gönguferðir og fleira sem starfsfólk hótelsins aðstoðar við að bóka og skipuleggja.