Roc Portonova Apartments, Palmanova

Vefsíða hótels

Einfalt en fínt íbúðahótel á rólegum stað með fallegu útsýni yfir Son Matias-smábátahöfnina í Palmanova. Nokkurra mínútna gangur í líf og fjör, verslunarmiðstöðvar og veitingastaði í næsta nágrenni. 

Í hótelinu eru 77 bjartar og rúmgóðar vistarverur með útsýni yfir hafið. Innréttingar eru einfaldar og snyrtilegar, í millibrúnum og bláum lit. Hvítar flísar eru á gólfum. Minni íbúðirnar eru 46 fermetrar og rúma fullorðna og tvö börn, en þær stærri eru 65 fermetrar, með tveimur svefnherbergjum og rúma allt að fjóra. Öll helstu þægindi eru til staðar, eins og loftkæling og upphitun, sími, sjónvarp með gervihnattarásum og öryggishólf. Eldhúskrókur er með helluborði, örbylgjuofni, ofni, ísskáp og öllum nauðsynlegum áhöldum til eldamennsku. Á baðherbergjum er baðker eða sturta, hárþurrka og baðvörur. Svalir búnar húsgögnum eru við allar íbúðir. Þráðlaus nettenging er gegn gjaldi.

Morgunverðarhlaðborð er í veitingasal frá maí fram í október og yfir sumarmánuðina er hægt að fá úrval af snarli og drykkjum á sundlaugarbarnum.

Í hótelgarðinum er sundlaug með sérstöku svæði fyrir börnin. Sólbekkir og sólhlífar eru allt um kring. Upphituð innilaug er opin yfir vetrarmánuðina. Leiksvæði er bæði fyrir börn og fullorðna, útileiktæki fyrir börnin en þeir eldri geta spilað borðtennis eða billjarð inni við.

Móttakan er opin allan sólarhringinn og Roc Portonova íbúðahótelið er tilvalið fyrir þá sem vilja geta slakað á í rólegu hverfi við Son Matías-smábátahöfnina í Palmanova en verið þó í göngufæri við iðandi mannlíf, verslunarmiðstöðvar og veitingastaði. Auðvelt er að komast með almenningssamgöngum til bæjanna í kring. 

 

Fjarlægðir

  • Flugvöllur: 26 km
  • Miðbær: Við smábátahöfnina í Palmanova
  • Veitingastaðir: Í göngufæri

Aðstaða

  • Sundlaug
  • Bar
  • Barnaleiksvæði
  • Barnasundlaug
  • Gestamóttaka
  • Íbúðir
  • Nettenging: Gegn gjaldi
  • Veitingastaðir: Morgunverðarhlaðborð í veitingasal

Vistarverur

  • Sjónvarp
  • Öryggishólf
  • Loftkæling
  • Ísskápur
  • Verönd/svalir
  • Hárþurrka

Fæði

  • Morgunverður
  • Án fæðis