Roca Esmeralda, Calpe

Roca Esmeralda AR hótela er þriggja stjörnu hótel á besta stað við Levante ströndina í Calpe og í göngufæri við aðal bæjarkjarnann þar sem er að finna fjölda veitingastaða og verslana.

Herbergin eru björt og notaleg og í þeim öllum eru þráðlaus nettenging, sjónvarp, loftkæling, ísskápur, öryggishólf, skrifborð, hárþurrka og svalir.

Í sundlaugargarðinum eru þrjár laugar, þar af ein fyrir börn. Einnig er barnaklúbbur á svæðinu.

Í heilsulindinni eru í boði margskonar heilsu- og vellíðunarmeðferðir, upphituð innilaug, nuddpottur og gufubað auk líkamsræktaraðstöðu. Á hótelinu er hægt að leika tennis og minigolf og í leikherbergi er m.a. hægt að spila billjarð og borðtennis.

Veitingastaðirnir eru tveir, báðir með áherslu á spænska rétti, annar með hlaðborð, en hinn, Los Naranjos, er með grillrétti. Auk þess er þar bar/kaffihús, sundlaugarbar og fjöldi spennandi staða í næsta nágrenni.

Yfir sumarmánuðina (júní - ágúst) er skemmtidagskrá á kvöldin.

Skemmtilegt hótel sem hefur lengi verið vinsælt.