Silken Platja d'Aro

Silken Platja d'Aro er glæsilegt 4 stjörnu hótel í skandinavískum stíl. Staðsetningin er góð, um 450 m frá ströndinni og í miðbæ Platja d'Aro. Garðurinn er rúmgóður en með lítilli sundlaug. Skemmtilegt útisvæði er við sundlaugina þar sem hægt er að setjast niður, slaka á og fá sér drykk og snarl. Morgunverðarhlaðborðið er virkilega gott.

Herbergin eru fallega innréttuð og hægt er að velja um tvíbýli standard og með sundlaugarsýn. Þau eru öll með svölum. Einnig eru í boði skemmtileg herbergi á jarðhæð með verönd með sólbekkjum og borði og stólum. Þaðan er beint aðgengi út í sundlaugargarðinn. Öll herbergi eru með loftkælingu. Frítt þráðlaust internet er um allt hótelið. Sjónvarp, öryggishólf og snyrtivörur á baðherbergjum.