Sun Beach, Santa Ponsa
Vefsíða hótels
Einfalt og nútímalegt íbúðahótel, rétt við fallegu ströndina í Santa Ponsa. Stutt í alla þjónustu og iðandi mannlíf með verslunum, veitingastöðum og börum í götunum í kring.
Í hótelinu eru 100 þrifalegar vistarverur, sem skiptast í stúdíó sem rúma allt að þrjá og íbúðir sem rúma allt að fjóra. Innréttingar eru stílhreinar og nútímalegar, í ljósum við og björtum litum. Flísar eru á gólfum. Loftkæling, sími og flatskjársjónvarp með gervihnattarásum er alls staðar, öryggishólf er gegn gjaldi. Eldhúskrókur er búinn ísskáp, helluborði, örbylgjuofni, kaffivél og hraðsuðukatli og helstu nauðsynlegum áhöldum til matargerðar auk borðbúnaðar. Á baðherbergjum er baðker eða sturta, handklæði og hárþurrka. Við margar íbúðirnar er verönd eða svalir, búnar húsgögnum. Þráðlaus nettenging er á hótelinu öllu, gegn gjaldi.
Í hótelgarðinum er sundlaug með ágætri sólbaðsaðstöðu, sólbekkjum og sólhlífum og þaðan er fallegt útsýni yfir hafið. Á sundlaugarbarnum er hægt að gæða sér á léttum réttum og að sjálfsögðu svalandi drykkjum af öllum gerðum auk þess sem kaffið er ekki af verri endanum. Þá er drykkjasjálfsali í hótelinu.
Þeir sem hafa áhyggjur af of mikilli slökun í fríinu geta viðhaldið vöðvamassanum í líkamsræktaraðstöðunni á hótelinu.
Gestamóttakan er opin allan sólarhringinn og þar er boðið upp á þvottaþjónustu, aðstoð við miðakaup, bílaleigu og skipulagningu skoðunarferða.
Sun Beach er á frábærum stað aðeins 70 metrum frá ströndinni í Santa Ponsa. Nóg er af veitingastöðum, verslunum og börum í götunum í kring og því stutt í líf og fjör fyrir þá sem það kjósa. Stutt er í afþreyingu af öllu tagi, vatnasport, skemmtigarða, golfvelli og fleira. Leigubíla- og strætóstopp er beint á móti hótelinu og því auðvelt að kíkja til dæmis til höfuðborgarinnar Palma.
Fjarlægðir
- Flugvöllur: 22 km
- Strönd: 70 m frá strönd
- Veitingastaðir: Allt um kring
- Miðbær: Um 22 km til Palma
Aðstaða
- Sundlaug
- Bar
- Gestamóttaka
- Íbúðir
- Líkamsrækt
- Nettenging: Gegn gjaldi
Vistarverur
- Sjónvarp
- Loftkæling
- Kaffivél
- Ísskápur
- Hárþurrka
- Öryggishólf: Gegn gjaldi
- Verönd/svalir: Við margar íbúðir
Fæði
- Morgunverður
- Án fæðis