THB Royal, Playa Blanca

THB hótelið er frábært fjölskylduhótel við Playa Blanca á Lanzarote. Hér er allt til alls fyrir gott fjölskyldufrí í sólinni. 

Á hótelinu eru 200 herbergi sem skiptast í tveggja manna herbergi og litlar svítur sem henta fyrir tvo fullorðna og tvö börn. Herbergin eru rúmgóð og nútímaleg, snyrtileg og afar björt enda eru veggir og helstu húsgögn í hvítum eða ljósum litum. Ljósar flísar eru á gólfum. Út frá öllum herbergjum eru svalir eða verönd með útihúsgögnum. Á öllum herbergjum er loftkæling, frítt internet, sjónvarp, lítill ísskápur, ketill, sími og öryggishólf. Baðherbergin eru mjög snyrtileg en þar eru sturta, hárþurrka og helstu snyrtivörur.

Á hótelinu er veitingastaður sem býður upp á alþjóðlega rétti sem og rétti frá Kanaríeyjum. Í hótelgarðinum er bar sem býður upp á kalda og svalandi drykki og snarl til að njóta í garðinum. Stutt er í þorpið þar sem eru veitingastaðir og barir. Einnig er lítil verslun á hótelinu.

Hótelgarðurinn er stór og snyrtilegur með sundlaug og sérstakri barnalaug. Svæðið hentar vel til þess að slaka á eða skemmta sér með fjölskyldu eða vinum. Nóg er af sólbekkjum og sólhlífum í garðinum. 

Skemmtanateymi heldur utan um dagskrá fyrir gesti á öllum aldri, frá morgni til kvölds svo allir ættu að geta fundið sér eitthvað skemmtilegt að gera. Krakkaklúbbur er starfræktur á hótelinu, með skemmtileg leiksvæði innan- og utandyra svo ýmislegt er við að vera fyrir þau yngstu. Unglingaklúbbur er einnig starfræktur og fjölskylduskemmtanir eru haldnar á kvöldin. Á hótelinu er vel búin líkamsræktaraðstaða, skvass-, tennis-, blak- og petanquevöllur ásamt fótboltasvæði. Einnig er hægt að fara í sauna eða panta nudd eða aðrar heilsu- og snyrtimeðferðir.

Í heildina er THB Royal frábært hótel á þessum rólega áfangastað, stutt frá Playa Blanca ströndinni og kristalstæru hafinu. Gestamóttakan er opin allan sólarhringinn og þar er hægt að fá góða aðstoð við að gera fríið á Lanzarote ógleymanlegt.