Hilton Brighton Metropole Hotel

Glæsilegt, fjölskylduvænt hótel á góðum stað, stutt frá miðbæ Brighton, ströndinni og Victoria Gardens. Húsið var reist árið 1890 í glæsilegum Viktoríönskum stíl, og allur aðbúnaður og þjónusta er fyrsta flokks.

Á rúmgóðum herbergjum eru flatskjáir, internet gegn gjaldi, öryggishólf sem rúma fartölvu, skrifborð, smábar, straujárn og -borð, hárþurrka og búnaður til að gera kaffi.
Á hótelinu er heilsulind þar sem hægt er að fá snyrti- og vellíðunarmeðferðir, líkamsrækt, sundlaug og sauna.

Einnig eru tveir veitingastaðir, annarsvegar Waterhouse - með breska og evrópska rétti og sjávarsýn, og hins vegar Waterhouse Bar & Terrace - með létta rétti, afslappað andrúmsloft og gott úrval drykkja.