Novotel Al Barsha

Novotel Dubai Al Barsha er 4 stjörnu hótel  í miðbæ Dubai með 465 herbergi og þægilegum aðgangi að helstu stöðum borgarinnar.  Fullkomið fyrir þá sem vilja dvelja í hjarta Dubai!  

Á hótelinu er mjög góð aðstaða eins og fallegur sundlaugargarður með upphitaðri útisundlaug, sólbaðsaðstöðu og bar þar sem hægt er að fá sér snarl á milli sundspretta eða til að hvíla sig á sólargeislunum. Veitingastaður er á hótelinu þar sem hver vikudagur hefur sinn eiginn matseðil og er reynt að leggja áherslur á mismunandi matargerð frá hinum ýmsu löndum að hverju sinni. Morgunverður er innifalinn og er hann framreiddur af hlaðborði. Fyrir þá sem vilja rækta líkamann er bæði góð líkamsræktaraðstaða á hótelinu ásamt heilsulind.

Herbergin eru snyrtileg og stílhrein, öll eru þau með sjónvarpi, síma, loftkælingu, minibar, te- eða kaffiaðstöðu, hárþurrku og baðherbergjum sem hafa að geyma helstu snyrtivörur og eru ýmist með baðkari eða sturtu. 

Novotel Dubai Al Barsha er fullkomlega staðsett á Al Barsha svæðinu í Dubai og býður upp á greiðan aðgang að öllum helstu áhugaverðu stöðunum í borginni og er aðeins í stuttri göngufjarlægð frá neðanjarðarlestarstöðinni.  Auðvelt er að komast á alla staði í borginni frá þessu flotta hóteli.