H10 Costa Adeje Palace

Vefsíða hótels

Skemmtilegt hótel með stóran og fallegan sundlaugargarð. Stendur við La Enramada ströndina í Costa Adeje, og aðeins 5 mínútna gangur eftir strandgötunni í verslanir og veitingastaði.

Herbergin eru rúmgóð og björt og hafa öll verið tekin nýlega í gegn (2012-2013). Í þeim öllum er loftkæling, gervihnattasjónvarp, smábar, internet og öryggishólf (gegn gjaldi). Á baðherbergi er baðkar með sturtu og hárþurrka. Þráðlaust internet er á sameiginlegum svæðum.

Í stórum og skemmtilegum garðinum eru þrjár stórar sundlaugar, ein þeirra upphituð og sundlaugarbar. Fyrir börnin er barnalaug og krakkaklúbbur með dagskrá og diskótek fyrir 4-10 ára. Einnig eru á hótelinu vellir til að leika tennis, strandblak og minigolf, auk poolborðs og borðtennisborðs. Stutt er á golfvöllinn. Hægt er að leigja handklæði gegn kreditkortatryggingu. Ef handklæðinu er ekki skilað í lok dvalar er andvirði handklæðis rukkað af kortinu.

Í góðri heilsulindinni er sundlaug, sauna, tyrkneskt bað, nuddpottur og líkamsrækt einnig er hægt að fá nudd og snyrtimeðferðir.

Aðalveitingastaður hótelsins er með hlaðborð í morgun-, hádegis- og kvöldverð, en auk þess eru 3 veitingastaðir á einum þeirra er hægt að fá grillrétti. Einnig eru píanóbar og diskótek á hótelinu. Hægt er að velja um hálft fæði eða allt innifalið fyrir ,,privilege" herbergin.

Fyrir þá sem vilja komast á Amerísku ströndina er skutla á 30 mínútna fresti frá kl. 10-12 og aftur frá kl. 17-18.

Fjarlægðir

  • Flugvöllur: 27 km
  • Veitingastaðir: Á hóteli og allt um kring

Aðstaða

  • Sundlaug
  • Skemmtidagskrá
  • Veitingastaðir
  • Bar
  • Gestamóttaka
  • Heilsulind
  • Líkamsrækt
  • Nettenging
  • Herbergi: Eingöngu hótelherbergi

Vistarverur

  • Sjónvarp
  • Loftkæling
  • Verönd/svalir
  • Minibar
  • Hárþurrka
  • Öryggishólf: Gegn gjaldi. 2 EUR á dag

Fæði

  • Allt innifalið
  • Hálft fæði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun