Innifalið

Beint flug með Icelandair
Ein innrituð taska (23 kg) og eitt golfsett (15 kg)
Akstur milli flugvallar og hótels (lágmark 12 manns)
Gisting í herbergjum m/garðsýn
*Fullt fæði
**Ótakmarkað golf með golfbíl 
Fararstjórn (m.v. lágmark 20 manns.) 

*Fullt fæði er morgun- og kvöldverðarhlaðborð á hótelinu og hádegisverður er í klúbbhúsinu skv. matseðli
**Ótakmarkað golf: Gestir okkar geta spila ótakmarkað golf sér að kostnaðarlausu alla spiladagana. Fastir rástímar eru alla morgna og viðbótar golf er ekki hægt að panta fyrirfram og er háð umferð á vellinum.

ATH - æfingarboltar á æfingarsvæði ásamt aðgang á stutta spils svæði er ekki innifalið í pakkanum.

Þú getur lækkað verð ferðarinnar með Vildarpunktum. 

Öll verð koma fram í bókunarvél og eru birt með fyrirvara um breytingu og eru háð lágmarksfjölda 20 manns. 

Hagnýtar upplýsingar

ATH: Lágmarksfjöldi í ferð er 20 manns. Öll verð sem birt eru á þessari síðu eru til upplýsinga um verð á þjónustu erlendis og geta breyst án fyrirvara.

Staðsetning: Valle del Este er í Andalúsíu héraði í rúmlega tveggja tíma akstursfjarlægð frá flugvellinum í Alicante. Tveir litlir smábæir eru nálægt hóteli, þeir Vera og Garrucha, mjög skemmtilegir spánskir bæir. Almeria er í ca klukkutíma fjarlægð frá Valle del Este.

FYRIR BROTTFÖR:

Heilsa: Næsta apótek er í smábænum Garrucha. Ef kalla þarf út lækni verður viðkomandi að greiða honum beint. Vinsamlegast hafið samband við fararstjóra ef þörf er fyrir aðstoð á heilsugæslu.

Golfvörur: Golfvörur á Íslandi geta verið ódýrari og oft er meira úrval hér heima en í "pro-shop" verslunum erlendis. Samt sem áður er hægt að kaupa mjög falleg golfföt, sem sum eru nokkurskonar "minjagripir"- merkt viðkomandi golfstað.

Handfarangur: Flugmálastjórn hefur gefið út bækling með reglum um handfarangur.
Nýjustu útgáfu má nálgast hér.

Hraðbankar: Það eru hraðbankar í Carrucha. Ekki gleyma Pin-númerinu/leyninúmerinu heima! Hægt er að skipta ferðatékkum í hótelmóttöku

Internet tenging: "WI-FI" (þráðlaus tenging), er herbergjum og víða á hótelinu eins og á barnum, setustofu og veitingastað.

Klæðnaður: Eins og gengur og gerist með velli í háum gæðaflokki þá eru reglur um klæðaburð almennt mjög strangar. Bannað er t.d. að leika í gallabuxum og íþróttabuxum (trimmbuxum,) svo og í kragalausum bolum og stuttbuxum með teygju í mittið. Hlýrar á kvenmannsbolum verða að vera a.m.k. 5 cm breiðir og fleira. Ætlast er til að kylfingar séu í viðeigandi klæðnaði. það er golfbuxum síðum eða í stuttbuxum (Bermúdasídd) í skyrtu með kraga og golfskóm. Gott er að hafa þunna peysu með á völlinn. Góð regla er að hafa ávallt regnhlíf og regnföt með í golfferðina og í golfpokanum.

Sólarvörn og flugur: Við mælum með, þegar fólk fer erlendis að spila golf, að sólarvörn og vörn gegn moskítóflugum sé með í golfsettinu. (Fæst í flestum apótekum hér heima).

Evrópska sjúkratryggingakortið: Við mælum með að menn sæki um það hjá Tryggingastofnun ríkisins og hafi meðferðis. Evrópska sjúkratryggingakortið er notað ef korthafi veikist eða slasast í öðru EES-ríki. Ríkisborgarar Íslands og annarra EES-ríkja sem eru búsettir og sjúkratryggðir hér á landi eiga rétt á að fá evrópskt sjúkratryggingakort. Evrópska sjúkratryggingakortið gildir í öllum ríkjum EES og Sviss.

EFTIR AÐ ÚT ER KOMIÐ:

Ástand golfvalla: ATH. Golfdeild VITA tekur ekki ábyrgð á ástandi golfvalla vegna framkvæmda, veðurfars eða annarra óviðráðanlegra aðstæðna.

Farsímar: Bannað er á golfvöllum erlendis, eins og hér heima, að hafa farsímann opinn meðan menn eru á golfvellinum.

Golfkerrur og Golfbílar: Golfbíll er innifalin í golfferðunum til Valle del Este.

Golfskáli: Golfskálinn er sambyggður hótelinu og hægt að fara niður í "pro-shop" með hótellyftunni. Í næsta sal við búðina er svo afgreiðsla á golfbílum og kerrum og skápar fyrir golfsettin.

Golfvöllur: Golfvöllurinn á Valle Del Este er hannaður fyrir alla kylfinga því sumar holur eru virkilega krefjandi meðan aðrar eru léttari. Völlurinn er mjög fjölbreyttur og lítil hætta á að fá leið þrátt fyrir spilamennsku dag eftir dag. Það leynast nýjar þrautir á hverjum degi til að sigrast á. Öll umgjörð vallarins er mjög falleg, gróður af hinum ýmsu tegundum og gerðum og fjöllin umlykja dalinn "Valle del Este" - Austurdal. Hringlaga teigarnir liggja hátt sem flestum kylfingum finnst mjög skemmtilegt að slá upphafshögg af.

Ótakmarkað golf: Gestir okkar geta spila ótakmarkað golf sér að kostnaðarlausu alla spiladagana ef rástímar eru lausir. Viðbótar golf við 18 holur á dag er ekki hægt að panta fyrirfram og er háð umferð á vellinum.

Spilahraði: Æskilegt er að leikið sé eftir punktafyrirkomulagi, Stabelford. Boltinn skal tekinn upp eftir að slegin hafa verið 3 til 4 högg yfir par. Það hefur enginn gaman að "slow play" í golfi og því minnum við á að halda þarf vel í við ráshópinn á undan. Vallarvörður sér líka um að slíkt sé gert á ferðum sínum um völlinn. Við bendum fólki á að hafa golfbíla/kerrur í beinni röð á næsta teig og vera ávallt tilbúið að slá þegar brautin eða flötin er auð.

Rástímar: Bókaðar eru 18 holur milli kl. 08:00 og 09.00 flesta daga, einstaka daga má þó reikna með að byrjað sé aðeins fyrr. Fararstjóri sér um að raða í ráshópa. Tilkynningar um rástíma og ráshópa verða settar á upplýsingatöflu hótelsins á hverju kvöldi.

Forsvarsmenn golfvalla erlendis áskila sér rétt til að breyta rástímum fyrirvaralaust og ber VITAgolf enga ábyrgð á því ef það gerist.

Rásröð: Það er nauðsynlegt að láta fararstjóra vita um óskir varðandi meðspilara. Annars verður niðurröðun í hópa í öruggum höndum fararstjóra sem gerir sitt besta svo allir fái meðspilara við hæfi. Ráðgert er að halda golfmót í hverri ferð. (nánari upplýsingar úti).

Æfingasvæði: Gott æfingasvæði er við hótelið. Þar er hægt að æfa öll högg - löng, stutt, vipp, glompuhögg og pútt.

Samgöngur: Hægt er að panta leigubíl í hótelmóttökunni og einnig bílaleigubíla. Ef menn ætla í leigubíl til Garrucha eða Vera verður að panta það með góðum fyrirvara.

Út að borða: Kvöldverðarhlaðborð er á hótelinu öll kvöld og er innifalið í verði. Til tilbreytingar veita fararstjórar gjarnan upplýsingar um ýmsa veitingastaði.

Þjórfé: Ekki er skylda að gefa þjórfé. Ef menn fara á góðan veitingastað og eru ánægðir með mat og þjónustu er þumalputtareglan 5 til 10% af upphæð reiknings. Venjan er að skilja smáaur í gluggann hjá rútubílstjórunum okkar eftir ferð og gott er að gefa stúlkunum, sem þrífa herbergin, 5 til 10 evr. á viku til að fá betri þjónustu.