NYX Hotel Dublin Christchurch

NYX Hotel Dublin Christchurch sem áður hét Hard Rock Hotel í Dublin er glæsilegt hótel, staðsett miðsvæðis í Temple Bar hverfinu. Dvöl á hótelinu er upplifun og tónlist er einkennandi fyrir hótelið, hvar sem litið er.

Á hótelinu eru 120 herbergi sem skiptast í tveggja til þriggja manna herbergi og svítur. Herbergin eru rúmgóð, litrík og kósý með fallegum viðarhúsgögnum, listaverkum í tónlistarþema, góðum rúmum og teppum á gólfum. Í öllum herbergjum eru loftkæling, frítt internet, flatskjársjónvarp, lagalisti, skrifborð, kaffivél og svæði þar sem hægt er að setjast niður, slaka á og hlusta á tónlist. Baðherbergi eru snyrtileg, þau eru flísalögð og þar eru sturta, hárblásari og helstu snyrtivörur.

Á hótelinu er líflegur veitingastaður sem er opinn allan daginn og fram á kvöld. Þar er hægt er að panta sér morgunmat eða njóta kvöldverðar í skemmtilegu andrúmslofti. Einnig er hægt að panta mat upp á herbergið og njóta í afslappandi umhverfi. Á hótelinu er kaffihús og í anddyri hótelsins er bar þar sem plötusnúðar eða tónlistarmenn skapa kósý og upplífgandi setustofustemningu. Allt í kring um hótelið eru veitingarstaðir, barir og kaffihús með fjölbreytt úrval. Mikið líf er í grennd við hótelið og stutt að fara í partý en ef gestir nenna ekki út af herberginu sínu býður hótelið upp á fjölbreytta afþreyingu. Það er til dæmis hægt að taka jógatíma í sjónvarpinu, hlusta á geggjaða einstaklingsmiðaða lagalista í hljóðkerfi herbergisins, panta plötuspilara og plötur eða jafnvel Fender rafmagnsgítar og magnara með heyrnartólum upp á herbergi.

Hótelið er áhugaverður kostur fyrir fjölbreyttar tegundir ferðamanna en ekki síst fyrir þá sem elska tónlist. Staðsetningin er frábær, stutt í sögu- og menningartengda áfangastaði og margt af því helsta sem einkennir Dublin í göngufæri. Auðvelt er að komast í sporvagninn ef gestir hafa hug á að fara út fyrir svæðið.

Camden Court

Gott hótel sem er vel staðsett nálægt Stephen´s Green garðinum í göngufæri við miðbæinn.  Á hótelinu er heilsurækt og sundlaug, einnig veitingastaður, bar og krá þar sem hægt er að fá létta rétti. Miðbærinn er í 10 - 15 mín göngufjarlægð. Við hliðina á hótelinu er frábær írskur bar The bleeding horse, en þar er kjörið að setjast inn eftir bæjarrölt og fá sér einn Guinness.

Herbergin eru stór og vel búin með sjónvarpi, síma, internettengingu, hárþurrku, buxnapressu og bakka með hraðsuðukönnu, te og kaffi.
Sameiginleg aðstaða er fín og góðar seturstofur við gestamóttökuna. Hótel sem hentar mjög vel fyrir hópa.

Academy Plaza Hotel

Mjög gott hótel rétt við O’Connell-stræti í hjarta miðborgarinnar, í um 10 mínútna göngufjarlægð frá Dublin-kastala og Temple Bar hverfinu. Veitingastaðir, verslunargötur og almenningssamgöngur á alla kanta. Rúta sem gengur frá flugvellinum stoppar rétt við hótelið.

Í hótelinu eru 304 nýlega uppgerð herbergi sem ætluð eru frá einum og upp í fjóra einstaklinga. Innréttingar eru nútímalegar og þægilega, í björtum litum. Teppi eru á gólfum. Öll herbergin eru búin stillanlegri loftkælingu og upphitun, flatskjársjónvarpi með fjölda gervihnattarása, síma, öryggishólfi sem rúmar fartölvu, straujárni og -borði og aðstöðu til að laga te og kaffi. Á baðherbergjum er hárþurrka og ókeypis baðvörur. Þráðlaus nettenging er gestum að kostnaðarlausu. 

Morgunverðarhlaðborð er í veitingasal. Sir Harry’s Grill Bar & Bistro er veitingastaður og bar í senn, eins og nafnið ber með sér, og þar er lögð áhersla á að nýta ferskasta hráefni í boði hverju sinni. Þar er einnig gott úrval af víni, kokteilum, kaffidrykkjum og tei. 
Góð líkamsræktaraðstaða er í hótelinu, nóg af lóðum að lyfta og þeir sem svitna ekki nóg á gönguferðum um borgina geta bætt úr því þar. Í heilsulindinni er í boði nudd og aðrar líkamsmeðferðir og þar er hárgreiðslu- og snyrtistofa.

Gestamóttakan er opin allan sólarhringinn og þar er töskugeymsla og boðið er upp á þvotta- og þurrhreinsiþjónustu og gjaldeyrisskipti. 
Academy Plaza gæti varla verið betur staðsett í hjarta miðborgarinnar. O’Connell-breiðstrætið er handan við hornið og verslanir, veitingastaðir, barir og klúbbar í götunum í kring.
Aðeins tekur 10 mínútur að ganga að Dublin-kastala og almenningssamgöngur eru rétt við hótelið svo auðvelt er að komast að öllum helstu söfnum, kennileitum og öðrum áhugaverðum viðkomustöðum borgarinnar.

Iveagh Garden

Stórglæsilegt og sjarmerandi hótel á frábærum stað í miðborginni. Var opnað í febrúar 2018. Rétt við St. Stephen's Green garðinn og í léttu göngufæri við Grafton-verslunargötuna, dómkirkjuna og mörg helstu kennileiti borgarinnar. Verslanir, veitingastaðir og barir í götunum í kring.

Í hótelinu eru 145 rúmgóð herbergi, Deluxe og Superior, sem rúma ýmist tvo eða þrjá fullorðna. Innréttingar eru fallega hannaðar, nútímalegar og hlýlegar. Áherslulitir eru ýmist grár og gylltur eða grár og sæblár. Teppi eru á gólfum. Sængurfatnaður er úr gæðaefnum. Öll nútímaþægindi eru að sjálfsögðu til staðar, 40 tommu Samsung-sjónvarp, öryggishólf sem rúmar fartölvu, USB-hleðslustöðvar, straujárn, aðstaða til að laga te og kaffi og ókeypis þráðlaus nettenging. Baðherbergi eru marmaraklædd og þar er regnsturta, hárþurrka og lúxusbaðvörur. Superior-herbergjum fylgja baðsloppar, inniskór og Nespresso-kaffivél.

Enskur, ja eða írskur, morgunverður með öllu tilheyrandi er í boði alla morgna. Á veitingastaðnum Elle's Bar & Bistro er boðið upp á ljúffenga rétti af matseðli úr ferskasta fáanlega hráefni, fullar máltíðir í aðalsalnum og smárétti og kokteila í „bókasafninu“. Botanical-barinn sérhæfir sig síðan í klassískum kokteilum og handverksbjór.
Gestamóttakan er opin allan sólarhringinn og þar er töskugeymsla og starfsfólk aðstoðar við miðakaup og fleira.

Iveagh Garden er gullfallegt og nýtískulegt hótel í hjarta Dublin. Staðsetningin er frábær, Grafton Street, önnur helsta verslunargata borgarinnar, er í léttu göngufæri en einnig dómkirkjan og fleiri kennileiti. St. Stephen's Green almenningsgarðurinn er rétt hjá og þar er skemmtilegt að ganga í gegn, setjast jafnvel á bekk í örlitla stund. Þá úir og grúir af skemmtilegum kaffihúsum og börum í götunni sem lifna við þegar líður á kvöldið.

Radisson Blu Royal, Dublin

Þægindin eru í fyrirrúmi á þessu lúxushóteli í Dublin. Staðsetningin er frábær því hótelið er í hjarta borgarinnar og stutt frá flugvellinum. Útsýnið yfir borgina er stórkostlegt en falleg byggingarlist, hagstæð verslun og áhugaverðir íbúar eru nokkur af þeim atriðum sem einkenna þessa heillandi borg.

Á hótelinu eru um 150 herbergi sem skiptast í tveggja manna herbergi og svítur. Innréttingar og húsgögn eru nýtískuleg og hönnunin á herbergjunum stílhrein. Herbergin eru rúmgóð og teppi eru á gólfum. Í öllum íbúðum er loftkæling, frítt internet, sjónvarp og öryggishólf. Einnig er míníbar og aðstaða til að hella upp á kaffi eða te. Baðherbergin eru flísalögð með sturtu, baði og helstu snyrtivörum.
 
Morgunverður er framreiddur af girnilegu hlaðborði á V‘nV, veitingastað hótelsins en einnig er hægt að grípa með sér snarl í anddyri hótelsins. Yfir daginn og á kvöldin er þessi glæsilegi veitingastaður hótelsins opinn og gestir geta pantað sér bragðgóðar máltíðir t.d. franska eða írska rétti. Einnig er sérstakur matseðill fyrir börn. Að auki er hægt að panta mat upp á herbergið. Þrír glæsilegir barir eru þar að auki á hótelinu. Fjöldinn allur af kaffihúsum og börum eru í nágrenni við hótelið. 

Í um 5 mínútna göngufjarlægð frá hótelinu er líkamsræktarsalur sem frítt er fyrir gesti að nota. Þar er allt sem þarf til að halda sér í hreyfingu á meðan á fríinu stendur en einnig sundlaug og sána þar sem gestir geta slakað á.

Hér er um að ræða virkilega gott hótel fyrir alla sem hafa áhuga á að fara til Dublin. Stílhreint hótel á flottum stað.