Guðni Ágústsson

Guðni er annálaður sagnamaður og njóta fáir viðlíka vinsælda sem tækifærisræðumenn auk þess sem miklar sögur hafa gengið um hann sjálfan. Guðni er fæddur að Brúnastöðum í Flóa og ólst þar upp í stórum systkinahópi. Nú gengur hann til liðs við Ferðaskrifstofuna VITA og mun ásamt Margréti Hauksdóttur eiginkonu sinni stýra dagskrá skemmtilegra daga í sólinni á Kanarí. Þau hjón munu standa fyrir hressilegum morgnum með gönguferðum og hreyfingu. Það verður sungið og sögur sagðar farið í mini-golf. Kvöldvökur verða með gamansögum spurningakeppni,söngur og gleði. Félags-vist og bingó verða á dagskránni. Mottó þeirra hjóna er, verum létt í lund og njótum þess að vera í fríi. Maður er manns gaman.