Dream Hotel Gran Tacande, Costa Adeje

Vefsíða hótels

Vinsamlega athugið að endurnýjun á 255 herbergjum er nýlokið og áætlað er að klára heilsulindina í lok nóvember. Gestir ættu ekki að verða varir við þessar lokaframkvæmdir. 

Dream Hotel Gran Tacande er 5 stjörnu lúxushótel við eina fallegustu strönd Tenerife, Playa del Duque. Sundlaugargarðurinn er glæsilegur, liggur meðfram hótelinu og nær nánast niður á strönd.  Nútímaleg og smart hönnun, fyrsta flokks veitingastaðir og ein glæsilegasta heilsulindin á Tenerife.  Þjónustan á hótelinu þykir framúrskarandi.

Í nágrenni hótelsins er iðandi mannlíf og tvær af betri verslunarmiðstöðvum Costa Adeje svæðisins eru í göngufæri, þar af er önnur Plaza del Duque, sem er sú fínasta á allri ströndinni. Auðvelt er að  ganga eftir strandgötunni á amerísku ströndina, en þangað eru liðlega 3 kílómetrar.

Á hótelinu eru 250 glæsileg herbergi og svítur í fjórum byggingum.  Auk tveggja manna herbergja er hægt að  sérpanta svítur, en í þeim eru ávallt nuddpottar. Tveggja manna herbergin eru stór og glæsileg, öll loftkæld með verönd eða svölum, interneti, gervihnattasjónvarpi, öryggishólfi, smábar, tónlistarrásum og síma. Baðherbergin eru í stíl við annað á þessi glæsihóteli, vel útbúin með sér sturtu, baðkari, hárþurrku og snyrtivörum.

Á Dream hótel Gran Tacande eru alls Það eru 2 veitingastaðir á hótelinu; El Zurron sem er opinn fyrir kvöldverð (innifalið í verði fyrir HB farþega) og annar sem heitir Bocana.”  Hótelgestir geta valið um bari, innan dyra sem utan – allt eftir því hvaða tími dagsins er og hvaða stemmningu er verið að sækjast eftir. Þakveröndin með baraðstöðu er sérstaklega skemmtileg. 

„VITANOVA Spa & Wellbeing centre “ er hin fullkomna heilsulind og vart hægt að ímynda sér nokkra meðferð sem ekki er í boði á þessum sælureit.  Einkum er lögð áhersla á ýmis konar heilsuböð. Meðal þess sem er á heilsulindinni er nuddpottur, tyrkneskt bað, gufubað, tækjasalur og snyrtistofa. Ótæmandi möguleikar eru á að stunda íþróttir og aðra afþreyingu á hótelinu og á ströndinni.

Dream Hotel Gran Tacande er glæsihótel fyrir fólk sem vill aðeins það besta.

Fjarlægðir

  • Flugvöllur: 25 km
  • Miðbær: í göngufæri við miðbæ Costa Adeje og 3,5 km frá Playa Americas
  • Veitingastaðir: Á hótelinu og allt um kring
  • Strönd: Við strönd

Aðstaða

  • Sundlaug
  • Veitingastaðir
  • Aðgengi fyrir fatlaða
  • Bar
  • Gestamóttaka
  • Heilsulind
  • Líkamsrækt
  • Lyfta
  • Nettenging
  • Herbergi: Tveggja manna herbergi, hægt er að sérpanta svítur

Vistarverur

  • Sjónvarp
  • Loftkæling
  • Verönd/svalir
  • Minibar
  • Hárþurrka

Fæði

  • Hálft fæði
  • Morgunverður