Nacional de Cuba, Havana

Sögufrægt hótel við Malecon-strandlengjuna í Vedado-hverfinu, við enda einnar líflegustu verslunargötu Havana. 

Í hótelinu, sem er á átta hæðum, eru 473 vistarverur, sem skiptast í 457 eins og tveggja manna herbergi og 16 svítur. Herbergin eru innréttuð í art deco- og klassískum stíl í bland. Loftkæling er í öllum herbergjum, sjónvarp, sími, öryggishólf og smábar. Á baðherbergi er hárþurrka. Háhraðanettenging stendur gestum hótelsins til boða gegn gjaldi.
Hægt er að panta standard herbergi á hótelinu og svo herbergi með auka þjónustu "Executive service". Þessi herbergi hafa einka móttöku sem er staðsett á 6.hæð, snarl bar sem er opinn frá 7 - 19 og sér morgunverðarhlaðborð. Einnig er meiri þjónusta við gesti í þessum herbergjum. Þau eru staðsett á 5-8 hæð á hótelinu. 

Hlaðborðsveitingastaðurinn La Veranda býður upp á glæsilegt morgunverðarhlaðborð og kvöldverð. Hinn glæsilegi Comedor de Aquiar býður upp á kúbverska jafnt sem alþjóðlega matargerð auk úrvals af léttvíni. Í hótelgarðinum er La Barraca og þar er áherslan á þjóðlega kreólarétti. Í hótelinu er einnig kaffihús og nokkrir barir. Á hverju kvöldi er boðið upp á glæsilega kabarettsýningu, Cubano, Cubano, þar sem rakinn er uppruni kúbverskrar menningar, og lifandi tónlist er flutt á veitingastöðum og börum, m.a. af meðlimum Buena Vista Social Club.

Í hótelgarðinum er sundlaug og þar er góð sólbaðsaðstaða með sólbekkjum. Þar er hægt að gæða sér á léttum réttum og úrvali drykkja meðan slakað er á í sólinni.

Líkamsræktaraðstaðan er ágæt, einnig er hægt að slaka á í gufubaði eða taka á því í tennis. Hárgreiðslustofa, snyrtistofa og sérverslanir með vindla, vín, snyrtivörur og fleira eru í hótelinu. Í móttökunni er boðið er upp á gjaldeyrisskipti og þvottaþjónustu. Herbergisþjónusta er allan sólarhringinn.

Sögufrægt hótel í gamla yfirstéttarhverfinu Vedado. Það var byggt árið 1930, er eitt af kennileitum Havana og er á heimsminjaskrá Unesco. Hér fundaði mafían, hér lögðu Fidel Castro og Che Guevara á ráðin og Churchill, Frank Sinatra, Marlene Dietrich, Hemingway og Marlon Brando voru meðal gesta. Frá hótelinu er stórkostlegt útsýni yfir höfnina í Havana, Malecon-strandlengjuna og borgina sjálfa. Stutt er í verslanir, söfn og sögufræga staði, fótgangandi, eða með almenningssamgöngum og leigubílum.