Palm Village Salgados

Palm Village-svíturnar eru fyrsta flokks gisting með "allt innifalið". Í samstæðunni eru 283 rúmgóðar og þægilegar svítur í nokkrum fjögurra hæða byggningum. Svíturnar eru með pláss fyrir allt frá fjórum upp í sex, allar loftkældar með hárþurrku, öryggishólfi og sjónvarpi. Ókeypis þráðlaust netsamband er í öllum vistarverum og á veitingastöðunum. Baðherbergi eru frá einu upp í fjögur eftir stærð svítunnar og stórar svalir á þeim öllum. Einstaklega fjölskylduvæn gisting.

Í um 400 metra fjarlægð frá Palm Village er hinn glæsilegi 18 holu Salgados-golfvöllur með öllum þægindum svo sem búningsaðstöðu, klúbbhúsi, golfverslun með gott úrval, golfbílum o.fl. o.fl.

Salgados-ströndin er ekki nema um 800 m í burtu og alla þá leið er hægt að ganga eftir timburgangbraut  - enda allt á jafnsléttu. Á ströndinni, sem gríðarlega breið og flott eru sturtur og salerni svo og sólbekkir til leigu.  Þar er einnig bar.